હેડલાઈન :

• પહેલગામ આતંકવાદી હુમલાને લઈ ભારત તરફ વિશ્વભરમાં સહાનુભૂતિ
• વિશ્વના દેશોએ પહેલગામ આતંકવાદી હુમલાને લઈ પાકિસ્તાનની નિંદા
• પહેલગામ હુમલાને લઈ સંયુક્ત રાષ્ટ્ર સુરક્ષા પરિષદનો પાકિસ્તાનને ઠપકો
• સંયુક્ત રાષ્ટ્ર સુરક્ષા પરિષદે દેશોને પોતાના સ્તરે સહયોગ કરવાની અપીલ કરી
• સંયુક્ત રાષ્ટ્ર સુરક્ષા પરિષદની પાંચ કાયમી સભ્યો વિશ્વના શક્તિશાળી દેશોને અપીલ
• પાકિસ્તાન હર હંમેશ સંયુક્ત રાષ્ટ્ર સુરક્ષા પરિષદમાં કાશ્મીરનો ઉઠાવતું રહ્યુ છે મુદ્દો

પહેલગામમાં થયેલા આતંકવાદી હુમલા બાદ સંયુક્ત રાષ્ટ્ર સુરક્ષા પરિષદે તેની સખત નિંદા કરી છે અને ગુનેગારોને સજા આપવાની માંગ કરી છે. વિશ્વના ઘણા દેશોએ ભારત સાથે એકતા દર્શાવી છે. આ નિંદા પાકિસ્તાન માટે મોટો ફટકો છે કારણ કે તે ઘણીવાર સુરક્ષા પરિષદમાં કાશ્મીર મુદ્દો ઉઠાવે છે.

પહેલગામ હુમલા પછી વિશ્વભરની મોટી શક્તિઓ ભારતને ટેકો આપવા માટે એક સાથે આવી રહી છે અને આ દુઃખની ઘડીમાં બધાએ ભારત સાથે સહાનુભૂતિ દર્શાવી છે. હવે સંયુક્ત રાષ્ટ્ર સુરક્ષા પરિષદના સભ્યોએ પણ આ કાયર આતંકવાદી હુમલાની કડક નિંદા કરી છે. પહેલગામ હુમલામાં ઓછામાં ઓછા 26 લોકો માર્યા ગયા હતા અને ઘણા લોકો ઘાયલ થયા હતા.
સુરક્ષા પરિષદના સભ્યોએ આતંકવાદના આ નિંદનીય કૃત્યના ગુનેગારો,આયોજકો,નાણાકીય સહાયકો અને પ્રાયોજકોને જવાબદાર ઠેરવવા અને તેમને ન્યાયના કઠેડામાં લાવવાની જરૂરિયાત પર ભાર મૂક્યો.કાઉન્સિલના નિવેદનમાં માંગ કરવામાં આવી હતી કે આ હત્યાઓ માટે જવાબદાર લોકોને જવાબદાર ઠેરવવામાં આવે.તેમણે બધા દેશોને પોતપોતાના સ્તરે આ મુદ્દા પર સહયોગ કરવાની અપીલ પણ કરી.આ નિવેદનને પાકિસ્તાન માટે એક મોટા ઝટકા તરીકે જોવામાં આવી રહ્યું છે કારણ કે પાકિસ્તાન દરરોજ સુરક્ષા પરિષદમાં કાશ્મીરનો મુદ્દો ઉઠાવતું રહે છે.

– સંયુક્ત રાષ્ટ્રની બધા દેશોને અપીલ
સંયુક્ત રાષ્ટ્રએ પોતાના નિવેદનમાં આંતરરાષ્ટ્રીય કાયદા અને સંબંધિત સુરક્ષા પરિષદના ઠરાવો હેઠળની તેમની જવાબદારીઓ અનુસાર આ સંદર્ભમાં બધા દેશોને સાથે આવવા અને સક્રિયપણે સહયોગ કરવા વિનંતી કરી. સંયુક્ત રાષ્ટ્ર સુરક્ષા પરિષદનું નિવેદન ભારત માટે પણ મહત્વપૂર્ણ છે કારણ કે તેના 15 સભ્યો છે જેમાંથી 5 સભ્યો વિશ્વના સૌથી શક્તિશાળી દેશો છે.

– શક્તિશાળી દેશો ભારતને સમર્થન આપે
સંયુક્ત રાષ્ટ્ર સુરક્ષા પરિષદના પાંચ કાયમી સભ્યો વિશ્વના સૌથી શક્તિશાળી દેશો છે.જેમાં ચીન,ફ્રાન્સ,રશિયા, યુનાઇટેડ કિંગડમ અને અમેરિકાનો સમાવેશ થાય છે.આ બધા દેશોએ આ હુમલાની નિંદા કરી છે જ્યારે યુએસ જાસૂસી વડા તુલસી ગબાર્ડે ખુલ્લેઆમ પાકિસ્તાનને ઠપકો આપ્યો છે તેમણે X પર લખ્યું છે કે “પહેલગામમાં 26 હિન્દુઓને નિશાન બનાવનારા ભયાનક ઇસ્લામિક આતંકવાદી હુમલાના પગલે અમે ભારત સાથે એકતામાં ઉભા છીએ.મારી પ્રાર્થના અને ઊંડી સંવેદના તે લોકો સાથે છે જેમણે પોતાના પ્રિયજનો ગુમાવ્યા છે અમે વડા પ્રધાન નરેન્દ્ર મોદી અને ભારતના તમામ લોકો સાથે છીએ.”