હેડલાઈન :

• ભારતીય સેનાનું ઓપરેશન સિંદૂર પહેલગામ હુમલાનો બદલો પૂર્ણ
• 22 એપ્રિલે પાકિસ્તાનથી આવેલા આતંકવાદીઓએ પહેલગામમાં કર્યો હુમલો
• આતંકવાદીઓએ ધર્મ પુછીને 26 નિર્દોષ પ્રવાસીઓને ગોળીઓ મારી હતી
• વડાપ્રધાન મોદીએ કહ્યું હતુ કે દોષિતોને કલ્પનાથી પણ વધુ સજા અપાશે
• 6 અને 7 મે ની મધ્યરાત્રી બાદ ભારતીય સેનાએ ઓપરેશન સિંદૂર હાથ ધર્યુ
• માત્ર 25 મિનિટમાં જ પાકિસ્તાનમાં ઘૂસી 9 આતંકવાદી છાવણીઓ પર હુમલો
• ઓપરેશન સિંદૂર હેઠળ ભારતીય સેનાએ આતંકીઓના ઠેકાણા નેસ્ત નાબૂદ કર્યા
• ઓપરેશન સિંદૂરની સફળતા પાછળ ભારતીય સેનીની નારી શક્તિનું મોટુ યોગદાન
• એક લેફ્ટર્નલ કર્નલ સોફિયા કુરેશી-વિંગ કમાન્ડર વ્યોમિકા સિંહનો મહત્વનો લીડ રોલ
• હુમલામાં રાફેલ,સુખોઈ Su-30 MKI અને મિરાજ 2000 ફાઇટર જેટનો ઉપયોગ કરાયો

કાશ્મીર ખીણના પહેલગામમાં 22 એપ્રિલના રોજ પાકિસ્તાનથી આવેલા આતંકવાદીઓએ ધર્મ પુછીને 26 નિર્દોષ પ્રવાસીઓને ગોળીઓ મારી હતી.ત્યારથી ભારતમાં એક જ વાત હતી કે આનો જવાબ ભારત સરકાર આપે.અને વડાપ્રધાન નરેન્દ્ર મોદીએ પણ કહ્યું હતુ કે જે કોઈ દોષિત છે તેમને તેમની કલ્પનાથી પણ વધુ સજા આપવામાં આવશે.

– ઓપરેશન સિંદૂર સફળતા પૂર્વક પાર પડ્યુ
6 અને 7 મેની મધ્યરાત્રી બાદ ભારતીય સેનાએ ઓપરેશન સિંદૂર હાથ ધર્યુ અને 25 મિનિટમાં જ પાકિસ્તાનમાં ઘૂસી 9 આતંકવાદી છાવણીઓ પર હુમલો કરી આતંકીઓના ઠેકાણા નેસ્ત નાબૂદ કરી નાંખ્યા હતા.ત્યારે દેશભરમાંથી લોકોએ સેના અને સરકારને અભિનંદન આપા સિંદૂરનો બદલો ઓપરેશન સિંદૂરથી લીધો તેના પણ આભાર માની ગૌરવની લાગણી વ્યક્ત કરવામાં આવી હતી,એટલું જ નહી પણ પક્ષ અને વિપક્ષ સહિત રાજકીય,સામાજિક,સાંસ્કૃતિક સંગઠનો અને વિશ્વના ઘણા દેશોએ ભારતના કાર્યવાહીનું સમર્થન કરી તેને યોગ્ય ઠેરાવી હતી.

– ઓપરેશન સિંદૂરની સફળતા પાછળ ભારતીય સેનીની નારી શક્તિ
ઓપરેશન સિંદૂર માટે પ્લાનિંગથી લઈ તેને સફળતા પૂર્વક પાર પાડવામાં ભારતીય સેનાની બે મહિલા અધિકારીઓ એક લેફ્ટર્નલ કર્નલ સોફિયા કુરેશી તેમજ વિંગ કમાન્ડર વ્યોમિકા સિંહનો મહત્વનો લીડ રોલ રહ્યો.ઓપરેશન સિંદૂર સમયે રાત્રે ભારત દ્વારા પાકિસ્તાનની અંદર કરવામાં આવેલા હવાઈ હુમલામાં રાફેલ,સુખોઈ Su-30 MKI અને મિરાજ 2000 ફાઇટર જેટનો ઉપયોગ કરવામાં આવ્યો હતો.

– હુમલામાં ઘણા શક્તિશાળી શસ્ત્રોનો ઉપયોગ
ભારતીય સેનાએ મંગળવાર અને બુધવારની રાત્રે પાકિસ્તાનમાં 9 આતંકવાદી ઠેકાણાઓનો નાશ કર્યો.આ ઓપરેશનને ભારતીય સેનાએ ઓપરેશન સિંદૂર નામ આપ્યું હતું.ભારતીય સશસ્ત્ર દળોએ પાકિસ્તાનમાં આતંકવાદી છાવણીઓ પર સચોટ હુમલો કર્યો.આ હવાઈ હુમલા તે આતંકવાદી ઠેકાણાઓ પર કરવામાં આવ્યા હતા જ્યાંથી ભારત વિરુદ્ધ આતંકવાદી હુમલાઓનું આયોજન કરવામાં આવ્યું હતું.ભારતમાં થયેલા આ હુમલામાં ઘણા શક્તિશાળી શસ્ત્રોનો ઉપયોગ કરવામાં આવ્યો હતો.

પાકિસ્તાનમાં આતંકવાદી ગઢનો નાશ કરવા માટે ભારતે રાફેલ ફાઇટર જેટના સ્કેલ્પ મિસાઇલ સાથે દેશના મુખ્ય સ્ટ્રાઇક હથિયાર બ્રહ્મોસનો ઉપયોગ કર્યો.ભારતીય વિદેશ સચિવ અને સશસ્ત્ર દળો દ્વારા યોજાયેલી સંયુક્ત પત્રકાર પરિષદમાં કહેવામાં આવ્યું હતું કે પ્રુશિયન શસ્ત્રોનો ઉપયોગ કરવામાં આવ્યો હતો.એવું માનવામાં આવે છે કે આ પ્રુશિયન શસ્ત્ર બ્રહ્મોસ હતું.

– સુખોઈ ફાઇટર જેટ બ્રહ્મોસ મિસાઇલોથી સજ્જ
ભારતીય વાયુસેનાના સુખોઈ ફાઇટર જેટ તાજેતરમાં બ્રહ્મોસ મિસાઇલોથી સજ્જ હતા.સેના જમીનથી જમીન પર પ્રહાર કરતી બ્રહ્મોસ મિસાઇલનો પણ ઉપયોગ કરે છે.વિશ્વની એકમાત્ર સુપરસોનિક ક્રુઝ મિસાઇલ બ્રહ્મોસ ભારત દ્વારા રશિયાની મદદથી સ્વદેશી રીતે વિકસાવવામાં આવી છે.બ્રહ્મોસ એ ભારતનું મુખ્ય પ્રહાર શસ્ત્ર છે જેનું નામ ભારતની સૌથી લાંબી નદી બ્રહ્મપુત્રા અને રશિયાની મોસ્કવા નદીના નામ પરથી રાખવામાં આવ્યું છે.

– બ્રહ્મોસ એટલે જાણે કે બ્રહ્માસ્ત્ર
એવું માનવામાં આવે છે કે વિશ્વની કોઈ પણ રડાર,હથિયાર કે મિસાઈલ સિસ્ટમ તેને રોકી શકતી નથી. એટલે કે એકવાર બ્રહ્મોસ છોડવામાં આવે તો બ્રહ્માસ્ત્રની જેમ તેને કોઈ રોકી શકતું નથી.તે પોતાના નિશાન પર પડે છે અને જ્યાં સુધી તે નિશાનનો નાશ ન કરે ત્યાં સુધી તે અટકતો નથી.
બ્રહ્મોસનું ઉત્પાદન કરતી કંપની બ્રહ્મોસ એરોસ્પેસનો દાવો છે કે બ્રહ્મોસની રેન્જ 290 કિમી છે,જ્યારે ઓપરેશનલ રેન્જ ઘણી વધારે માનવામાં આવે છે.તેની ગતિ 2.8 મેક્વેટ છે,જેનો અર્થ ધ્વનિની ગતિ કરતાં અઢી ગણી છે.જોકે ભારતે બ્રહ્મોસની વિસ્તૃત રેન્જ મિસાઇલ પણ વિકસાવી છે,એટલે કે 450-500 કિલોમીટરની રેન્જ ધરાવતી મિસાઇલ.

– સેનાની ત્રણેય શાખાઓ મુખ્ય હુમલાના શસ્ત્રોનો ઉપયોગ
બ્રહ્મોસ મિસાઇલ એ ભારતના પસંદગીના શસ્ત્રો (મિસાઇલો) પૈકીનું એક છે જેનો ઉપયોગ થલસેના,વાયુસેના અને નૌકાદળ દ્વારા કરવામાં આવે છે.બ્રહ્મોસ મિસાઇલને વાયુસેનાના ફ્રન્ટલાઇન એરક્રાફ્ટ,સુખોઈમાં પણ એકીકૃત કરવામાં આવી છે.સેનાના આર્ટિલરીમાં પણ બ્રહ્મોસ મિસાઇલનો ઉપયોગ થાય છે.નૌકાદળના યુદ્ધ જહાજો પણ બ્રહ્મોસથી સજ્જ કરવામાં આવ્યા છે.જેના કારણે નૌકાદળના જહાજો વધુ ઘાતક બન્યા છે અને સમુદ્રથી જમીન સુધી લક્ષ્યોને ફટકારવામાં સક્ષમ બન્યા છે.

– ઇઝરાયલના લોઇટરિંગ દારૂગોળો હારોપનો પણ ઉપયોગ ?
મળેલી માહિતી અનુસાર આ ઉપરાંત,ઇઝરાયલના લોઇટરિંગ દારૂગોળો હારોપનો પણ ઉપયોગ કરવામાં આવ્યો છે.આ પહેલી વાર છે જ્યારે દુનિયાને ખબર પડી છે કે ભારતીય વાયુસેના હારોપનો ઉપયોગ કરી રહી છે.વર્ષ 2021માં સમાચાર ચોક્કસપણે આવ્યા કે ભારતે ઇઝરાયલ પાસેથી 100 લોઇટરિંગ મ્યુનિશન ખરીદવાનો સોદો કર્યો છે.

અત્યાર સુધી ભારતીય વાયુસેના ફક્ત ઇઝરાયલી હેરોન અને સર્ચર સર્વેલન્સ ડ્રોનનો ઉપયોગ કરે છે,આ માહિતી જાહેર ક્ષેત્રમાં હતી.એવા પણ સમાચાર છે કે લશ્કર,જૈશ અને હિઝબુલ્લાહના આતંકવાદી છાવણીઓનો નાશ કરવા માટે ઇઝરાયલના સ્પાઇસ-2000 બોમ્બનો પણ ઉપયોગ કરવામાં આવ્યો હતો.
વર્ષ 2019 માં ભારતીય વાયુસેનાએ જૈશ-એ-મોહમ્મદના આતંકવાદી છાવણીનો નાશ કરવા માટે મિરાજ-2000 ફાઇટર જેટમાંથી સ્પાઇસ બોમ્બનો ઉપયોગ પણ કર્યો હતો.

– ઓપરેશન સિંદૂરમાં રાફેલ, સુખોઈ અને મિરાજ વિમાનોનો ઉપયોગ
6 મેની રાત્રે ભારત દ્વારા પાકિસ્તાનની અંદર કરવામાં આવેલા હવાઈ હુમલામાં રાફેલ,સુખોઈ Su-30 MKI અને મિરાજ 2000 ફાઇટર જેટ તૈનાત કરવામાં આવ્યા હતા.આ વિમાનોએ પાકિસ્તાન કબજા હેઠળના વિસ્તારોમાં શંકાસ્પદ આતંકવાદી ઠેકાણાઓને નિશાન બનાવ્યા હતા.

તો વળી આ કામગીરીમાં ‘SCALP’ મિસાઇલનો ઉપયોગ કરવામાં આવ્યો હતો,જે તેની લાંબી રેન્જ અને સચોટ લક્ષ્યાંક ક્ષમતા માટે જાણીતી છે.આ મિસાઇલ અત્યંત ચોકસાઈ સાથે 500 કિમીથી વધુ અંતરે સ્થિત લક્ષ્યોને નષ્ટ કરી શકે છે.