X.com વેબસાઇટ એલોન મસ્કએ ટ્વિટરને બદલવા માટે તેની રિબ્રાન્ડેડ સોશિયલ મીડિયા સેવા માટે પસંદ કરી છે.ટ્વિટરને ઇન્ડોનેશિયામાં બેન કરવામાં આવેલ છે. મુસ્લિમ બહુમતી ધરાવતા દેશના સંચાર અને માહિતી પ્રૌદ્યોગિકી મંત્રાલય (કોમિન્ફો) અનુસાર, ડોમેન ગેરકાયદેસર કન્ટેન્ટ સાથે જોડાયેલું છે.
મંત્રાલયના પ્રવક્તા ઓસ્માન કાનસોંગે મંગળવારે પત્રકારોને જણાવ્યું હતું કે “X.com નો ઉપયોગ અગાઉ અન્ય સાઇટ્સ મોટે ભાગે પોર્ન સાઇટ્સને હોસ્ટ કરવા માટે કરવામાં આવતો હતો જે અમારા કાયદાનું પાલન કરતી ન હતી અને Cominfo બ્લોકલિસ્ટમાં સામેલ હતી.” તેમણે ડોમેન નામને બ્લેકલિસ્ટ કરવા માટેના ચોક્કસ આધારનો ઉલ્લેખ કર્યો નથી. મીડિયા અહેવાલોમાં દાવો કરવામાં આવ્યો છે કે જુગાર અને પોર્નોગ્રાફી જેવા “નકારાત્મક કન્ટેન્ટ” સામે સરકારના અભિયાનના ભાગ રૂપે વેબસાઇટને બેન કરવામાં આવી હતી. કેન્સોંગે દાવો કર્યો હતો કે મંત્રાલયે આ મામલે મસ્કની કંપની સાથે વાત કરી હતી. “આજે અગાઉ, અમે ટ્વિટરના પ્રતિનિધિઓ સાથે વાત કરી હતી અને તેઓ અમને એક પત્ર મોકલશે કે X.comનો Twitter દ્વારા ઉપયોગ કરવામાં આવશે,” તેમણે ઉમેર્યું. મસ્કે સોમવારે ખુલાસો કર્યો હતો કે ટ્વિટર તેના નામ અને ઓળખી શકાય તેવા વાદળી પક્ષીના લોગોને ડાર્ક ગ્રે સ્ક્વેરની અંદર સફેદ અક્ષર “X” સાથે બદલશે.
તેમણે દાવો કર્યો હતો કે આ લુક ટ્વિટરના અપડેટેડ ફીચર્સ માટે વધુ યોગ્ય રહેશે. મસ્કે કહ્યું, “અમે તમારા સમગ્ર નાણાકીય વિશ્વને સંચાલિત કરવા અને આગામી મહિનાઓમાં સંદેશાવ્યવહારની વિશાળ શ્રેણી ઉમેરવા માટે સક્ષમ થઈશું. આપણે પક્ષીને અલવિદા કહી દેવી જોઈએ કારણ કે તે પરિસ્થિતિમાં ટ્વિટર નામ અર્થહીન છે.” જણાવી દઈએ કે, “પોર્નોગ્રાફી, LGBT અધિકારો અથવા હિંસા” જેવી નકારાત્મક કોન્ટેન્ટના પ્રચારને કારણે ઇન્ડોનેશિયામાં Netflix પર 2016થી 2020 સુધી પ્રતિબંધ મૂકવામાં આવ્યો હતો.