અમદાવાદમાં એક બિલ્ડીંગની દિવાલ ધરાશાયી થઈ હોવાનું સામે આવ્યુ છે.શહેરના મકરબા વિસ્તારમાં આજે વહેલી સવારે એક રિનોવેશન સમયે બિલ્ડીંગની દિવાલ ધરાશાયી થતા એક મજૂરનું મોત થયું છે.ફાયર વિભાગની ટીમે કાટમાળ ખસેડી મૃતદેહને બહાર કાઢીને પોસ્ટમોર્ટમ અર્થે હોસ્પિટલ ખાતે ખસેડવામાં આવ્યો.મળતી માહિતી મુજબ બિલ્ડીંગના ત્રીજા માળમાં આ ઘટના બની હતી તેમજ બિલ્ડીંગમાં રિનોવેશનની કામગીરી ચાલતી હતી.આ ઉપરાંત મૃતક મજૂર રાજસ્થાનનનો હોવાનું જાણવા મળ્યુ હતું.પોલીસની ટીમ ઘટના સ્થળે પહોંચીને આગળની કાર્યવાહી હાથ ધરી હતી.
