સાયબર હુમલાખોરો આ વેબસાઇટ્સ દ્વારા વ્યક્તિગત માહિતી અને ગોપનીય માહિતી માંગી રહ્યા છે. આ વેબસાઇટ્સના કોઈપણ મુલાકાતીને સલાહ આપવામાં આવે છે કે તેઓ કોઈપણ વ્યક્તિગત માહિતી શેર ન કરે.
સુપ્રીમ કોર્ટે કોર્ટની એક નકલી વેબસાઈટનો પર્દાફાશ કર્યો છે. તેણે જાહેર નોટિસ પણ જાહેર કરી લોકોને સાવચેત રહેવા અપીલ કરી છે. સુપ્રિમ કોર્ટની આ નકલી વેબસાઈટ ફિશીંગ એટેકના હેતુથી બનાવવામાં આવી હોવાના અહેવાલ છે. SC એ સ્પષ્ટ કર્યું છે કે કોર્ટ કોઈની પાસેથી અંગત, નાણાકીય કે ગોપનીય માહિતી માંગતી નથી.
નોટિસમાં શું કહેવામાં આવ્યું છે
લાઈવલો અનુસાર સુપ્રીમ કોર્ટનું કહેવું છે કે ફિશિંગ એટેક સંબંધિત માહિતી મળી છે. સત્તાવાર વેબસાઇટની નકલ કરતી વેબસાઇટ બનાવવામાં આવી છે. કોર્ટે માહિતી આપી છે કે સાયબર હુમલાખોરો આ વેબસાઈટ દ્વારા અંગત માહિતી અને ગોપનીય માહિતી માંગી રહ્યા છે. આ વેબસાઇટ્સના કોઈપણ મુલાકાતીને સલાહ આપવામાં આવે છે કે તેઓ કોઈપણ વ્યક્તિગત માહિતી શેર ન કરે.
સુપ્રીમ કોર્ટ રજિસ્ટ્રીએ કહ્યું છે કે લોકોએ તેમની સત્યતા જાણ્યા વિના લિંક પર ક્લિક ન કરવું જોઈએ અને ન તો તેને શેર કરવું જોઈએ. કોર્ટે કહ્યું કે જો કોઈ વ્યક્તિ આવા સાયબર હુમલાનો શિકાર બને છે, તો તેણે પોતાના તમામ ઓનલાઈન એકાઉન્ટનો પાસવર્ડ બદલી નાખવો જોઈએ અને તેની બેંકો, ક્રેડિટ કાર્ડ કંપનીને પણ જાણ કરવી જોઈએ. આ વેબસાઈટ અંગે એજન્સીઓને પણ જાણ કરવામાં આવી છે.
આ વેબસાઇટ્સથી બચો
સર્વોચ્ચ અદાલતના જણાવ્યા અનુસાર, આ http://cbins/scigv.com અને https://cbins.scigv.com/offence વેબસાઇટ્સનો ઉપયોગ ફિશિંગ હુમલાઓ માટે કરવામાં આવી રહ્યો છે. જ્યારે, URL – https://cbins.scigv.com/offence દ્વારા લોકો પાસેથી વ્યક્તિગત માહિતી એકત્રિત કરવાના પ્રયાસો કરવામાં આવી રહ્યા છે. કોર્ટની સત્તાવાર વેબસાઇટ www.sci.gov.in છે.
