રણબીર કપૂરની ફિલ્મ ‘એનિમલ’ બોક્સ ઓફિસ પર ધૂમ મચાવી રહી છે. દર્શકોને ફિલ્મ ઘણી પસંદ આવી રહી છે જેના કારણે થિયેટરોમાં મૂવી હાઉસફુલ જઈ રહી છે. પહેલા દિવસે રેકોર્ડ ઓપનિંગ કર્યા બાદ રણબીર કપૂર, બોબી દેઓલ, અનિલ કપૂરની ફિલ્મે આ વીકેન્ડમાં જબરદસ્ત કલેક્શન કર્યું છે.
‘એનિમલ’ ત્રીજા દિવસે બોક્સ ઓફિસ પર ધૂમ મચાવી
જબરદસ્ત એક્શન અને પિતા માટેના અલગ પ્રકારના પ્રેમને દર્શાવતી આ ફિલ્મ પિતા-પુત્રના સંબંધોને અલગ રીતે વ્યાખ્યાયિત કરે છે. ફિલ્મમાં રણબીર કપૂરે જે એક્ટિંગ કરી છે તેને લઈને ચારે બાજુ તેના વખાણ થઈ રહ્યા છે. તેની સાથે બોબી દેઓલને પણ ઘણો પસંદ કરવામાં આવી રહ્યો છે.
બોક્સ ઓફિસ કલેક્શનની વાત કરીએ તો વીકએન્ડની ‘એનિમલ’ને જોરદાર નફો થયો છે. ભારતમાં 63.8 કરોડ રૂપિયાની રેકોર્ડ ઓપનિંગ બાદ ફિલ્મે બીજા દિવસે 66.27 કરોડ રૂપિયાનું કલેક્શન કર્યું છે. જ્યારે ગઈકાલે એટલે કે રવિવારે ‘એનિમલ’ એ જોરદાર ધમાલ મચાવીને 72.50 કરોડ રૂપિયાની કમાણી કરી હતી. ત્રણેય દિવસ સહિત, ભારતમાં તેનું કુલ કલેક્શન હવે રૂ. 202.57 કરોડ સુધી પહોંચી ગઈ છે.
વિશ્વભરમાં આટલા કરોડની કમાણી કરી
એનિમલના વર્લ્ડવાઈડ કલેક્શનની વાત કરીએ તો મીડિયા રિપોર્ટ્સ અનુસાર, ફિલ્મે ત્રણેય દિવસ સહિત દુનિયાભરમાં લગભગ 340 કરોડ રૂપિયાનો બિઝનેસ કર્યો છે. ચર્ચા છે કે રણબીરની ‘એનિમલ’ માત્ર અહીં જ અટકવાની નથી, ફિલ્મને લઈને દર્શકોમાં જે રીતે ક્રેઝ જોવા મળી રહ્યો છે તે મુજબ તે બોક્સ ઓફિસ પર જોરદાર બિઝનેસ કરશે. આ ફિલ્મ 1 ડિસેમ્બરે સિનેમાઘરોમાં રિલીઝ થઈ છે.
