પાકિસ્તાનનો પૂર્વ કેપ્ટન બાબર આઝમ ફરી એકવાર ODIમાં નંબર વન બેટ્સમેન બની ગયો છે. બાબરે ભારતીય બેટ્સમેન શુભમન ગિલના શાસનનો અંત લાવીને નંબર વનનો તાજ પોતાના નામે કર્યો. આ સિવાય ટી20 ઈન્ટરનેશનલમાં નંબર વન રહેલા ભારતીય સ્પિનર રવિ બિશ્નોઈ પાસેથી પણ તાજ છીનવાઈ ગયો છે. ઇંગ્લેન્ડનો સ્પિનર આદિલ રાશિદ T20 બોલિંગ રેન્કિંગમાં નંબર વન પર પહોંચી ગયો છે. ઇન્ટરનેશનલ ક્રિકેટ કાઉન્સિલ (ICC) એ બુધવારે તાજેતરની રેન્કિંગ જાહેર કરી, જેમાં આ ફેરફારો જોવા મળ્યા.
બાબરે 824 રેટિંગ મેળવીને ODI રેન્કિંગમાં નંબર વન સ્થાન મેળવ્યું હતું. ગિલ 810 રેટિંગ સાથે બીજા સ્થાને સરકી ગયો છે. આ દરમિયાન ટી20 ઈન્ટરનેશનલની બોલિંગ રેન્કિંગમાં નંબર વન પર રહેલા ભારતીય સ્પિનર રવિ બિશ્નોઈને આદિલ રાશિદથી પાછળ છોડી દીધો હતો. ઇંગ્લિશ સ્પિનર રાશિદે 715 રેટિંગ મેળવીને નંબર વન સ્થાન મેળવ્યું હતું. અફઘાનિસ્તાનનો રાશિદ ખાન 692 રેટિંગ સાથે બીજા સ્થાને આવી ગયો છે. ભૂતપૂર્વ નંબર વન રવિ બિશ્નોઈ 685 રેટિંગ સાથે ત્રીજા સ્થાને સરકી ગયો છે. જો આપણે આ યાદીમાં ટોપ-5 પર નજર કરીએ તો શ્રીલંકાના વાનિન્દુ હસરાંગા 679 રેટિંગ સાથે ચોથા સ્થાને અને મહિષ તિક્ષાના 677 રેટિંગ સાથે પાંચમા સ્થાને જોવા મળે છે.
કોહલી ત્રીજા, રોહિત શર્મા ચોથા ક્રમે છે.
ODI બેટિંગ રેન્કિંગમાં ભારતીય ટીમનો સુપરસ્ટાર વિરાટ કોહલી 775 રેટિંગ સાથે ત્રીજા સ્થાન પર યથાવત છે. આ સિવાય ભારતીય કેપ્ટન રોહિત શર્મા 754 રેટિંગ સાથે ચોથા સ્થાન પર છે. તાજેતરમાં રમાયેલા ODI વર્લ્ડ કપમાં રોહિત અને કોહલીએ બેટથી શાનદાર પ્રદર્શન કર્યું હતું. જ્યારે ઓસ્ટ્રેલિયાનો ડેવિડ વોર્નર 745 રેટિંગ સાથે રેન્કિંગમાં પાંચમા નંબર પર છે.
