ઈન્ડિયન પ્રીમિયર લીગ (IPL 2024)ની નવી સિઝનમાં મુંબઈ ઈન્ડિયન્સ નવા કેપ્ટન સાથે રમવા જઈ રહી છે. IPL 2024માં કેપ્ટનશિપની જવાબદારી હાર્દિક પંડ્યાના હાથમાં રહેશે. ઘણી બાજુથી તેની ટીકા થઈ અને ઘણી બાજુથી પ્રશંસા થઈ. હવે સમાચાર આવી રહ્યા છે કે હાર્દિક પંડ્યા IPL 2024 માંથી બહાર થઈ શકે છે. આટલું મોટું ફેરબદલ કર્યા પછી, નિઃશંકપણે મુંબઈ ઈન્ડિયન્સ માટે આ એક મોટો ફટકો છે.
બીસીસીઆઈના એક સૂત્રએ પીટીઆઈને કહ્યું, “હાર્દિકની ક્રિકેટમાં વાપસી અંગે કોઈ અપડેટ નથી. ઈન્ડિયન પ્રીમિયર લીગમાં પણ તેની ઉપલબ્ધતા પર મોટો પ્રશ્નાર્થ ચિન્હ છે.” મુંબઈ ઈન્ડિયન્સે તાજેતરમાં IPL 2024 સીઝન માટે હાર્દિક પંડ્યાને તેમના કેપ્ટન તરીકે જાહેર કર્યા છે. આ રીતે રોહિત શર્માના 10 વર્ષ લાંબા કાર્યકાળનો પણ અંત આવ્યો. જેણે પોતાની કેપ્ટનશિપમાં મુંબઈ ઈન્ડિયન્સ માટે 5 ટાઈટલ જીત્યા છે.
