ભારતે સોમવારે ઇંગ્લેન્ડ સામેની ચોથી ટેસ્ટ પાંચ વિકેટે જીતી લીધી હતી. આ મેચ રાંચીના મેદાન પર રમાઈ હતી. આ જીત સાથે ભારતે પાંચ મેચની શ્રેણીમાં 3-1ની અજેય સરસાઈ મેળવી લીધી છે. ચોથી ટેસ્ટ બાદ ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજાએ એક પોસ્ટ શેર કરી છે, જેના પર ફેન્સ એન્જોય કરી રહ્યા છે. વાસ્તવમાં, જાડેજાએ પૂર્વ ભારતીય કેપ્ટન અને અનુભવી વિકેટકીપર બેટ્સમેન એમએસ ધોનીના ઘરની બહાર ફોટો પડાવ્યો હતો.
મંગળવારે ઈન્સ્ટાગ્રામ પર પોતાની ત્રણ તસવીરો શેર કરતી વખતે જાડેજાએ લખ્યું કે, “લેજેન્ડરી એમએસ ધોનીના ઘરની સામે ફેન તરીકે પોઝ આપવાનો આનંદ છે.” જાડેજાની પોસ્ટને ચાહકો તરફથી ઘણી ફની પ્રતિક્રિયાઓ મળી રહી છે. એક યુઝરે હસતા ઇમોજી સાથે કોમેન્ટ કરી, “માહી ભાઈ, હવે તેને અંદર આવવા દો. બીજાએ લખ્યું, ”જડ્ડુ કહેવા ગયો કે માહી ભાઈ, ચાલો છઠ્ઠી IPL ટ્રોફી લેવા જઈએ.
