શ્રી નાનકમત્તા સાહિબ ડેરા સેવાના વડા બાબા તરસેમ સિંહની હત્યા કરનારા બે શૂટરોમાંથી એક અમરજીત સિંહ ઉત્તરાખંડ પોલીસ સાથેના એન્કાઉન્ટરમાં માર્યો ગયો છે. ડીજીપી અભિનવ કુમારના જણાવ્યા અનુસાર, બીજો શૂટર સરબજીત સિંહ ફરાર છે અને તેને શોધવાના પ્રયાસો કરવામાં આવી રહ્યા છે.
DGPના જણાવ્યા અનુસાર, STF અને હરિદ્વાર પોલીસની સંયુક્ત કાર્યવાહીમાં બાબા તરસેમ સિંહના હત્યારાઓને શોધવા દરોડા પાડવામાં આવી રહ્યા છે. હરિદ્વારના ભગવાન પુર પાસે ગઈકાલે રાત્રે એન્કાઉન્ટર થયું હતું, જેમાં અમરજીત સિંહે પોલીસ પર ગોળીબાર કર્યો હતો. જવાબી ગોળીબારમાં આરોપીને ગોળી વાગી હતી. કહેવાય છે કે બીજો આરોપી અંધારાનો લાભ લઈને ભાગી ગયો હતો. પોલીસે બંને આરોપીઓ પર એક-એક લાખ રૂપિયાનું ઈનામ જાહેર કર્યું હતું. આરોપી હરિદ્વારમાં શા માટે અને કેવી રીતે છુપાયો તે અંગે વિગતવાર ખુલાસાની રાહ જોવાઈ રહી છે.
