પુલવામામાં સુરક્ષાદળો અને આતંકવાદીઓ વચ્ચે અથડામણ, લશ્કર કમાન્ડર રિયાઝ સહિત બે આતંકવાદીઓ ઠાર

પુલવામા જિલ્લાના નેહામા વિસ્તારમાં એન્કાઉન્ટર સ્થળ પર આતંકવાદીઓ અને સુરક્ષા દળો વચ્ચે ગોળીબાર બંધ થઈ ગયો છે. ફાયરિંગ દરમિયાન આતંકીઓ જે ઘરમાં છુપાયેલા હતા ત્યાં આગ લાગી હતી. જો કે, એન્કાઉન્ટર સ્થળ પર સર્ચ ઓપરેશન ચાલુ છે. આ દરમિયાન બે આતંકવાદીઓ માર્યા ગયાના સમાચાર છે

હાઈલાઈટ્સ 
નેહામા વિસ્તારમાં સર્ચ ઓપરેશન શરૂ
પુલવામામાં સુરક્ષાદળો અને આતંકવાદીઓ વચ્ચે અથડામણ
અથડામણમાં બે આતંકવાદીઓ ઠાર

અગાઉ, જ્યારે સુરક્ષા દળોને જિલ્લાના નેહામા વિસ્તારમાં આતંકવાદીઓની હાજરીની માહિતી મળી, ત્યારે સમગ્ર વિસ્તારને કોર્ડન કરીને સર્ચ ઓપરેશન શરૂ કરવામાં આવ્યું હતું. ઓપરેશન દરમિયાન સર્ચ ટીમ સ્થળ પર પહોંચતા જ વિસ્તારમાં છુપાયેલા આતંકવાદીઓએ ગોળીબાર શરૂ કરી દીધો હતો, ત્યારબાદ એન્કાઉન્ટર શરૂ થયું હતું.લશ્કરના લાંબા સમયથી જીવતા આતંકવાદી કમાન્ડર રિયાઝ ડાર સહિત બે આતંકવાદીઓ માર્યા ગયા છે.

Source : હિન્દુસ્તાન સમાચાર