સરકારે રાષ્ટ્રીય સ્વયંસેવક સંઘ એટલે કે આરએસએસની પ્રવૃત્તિઓમાં ભાગ લેતા સરકારી કર્મચારીઓ પરનો 58 વર્ષ જૂનો પ્રતિબંધ હટાવી લીધો છે. હવે સરકારી કર્મચારીઓ આરએસએસના કાર્યક્રમોમાં ભાગ લઈ શકશે.
હાઈલાઈટ્સ :
- કેન્દ્રની મોદી સરકારે એક મોટો નિર્ણય લીધો
- સરકારી કર્મચારીઓ RSSના કાર્યક્રમોમાં ભાગ લઈ શકશે
- સરકારે 1966,1970 અને 1980ના આદેશોમાં સુધારો કર્યો
- RSS ની પ્રવૃત્તિઓમાં ભાગ લેતા સરકારી કર્મચારીઓ પરનો
58 વર્ષ જૂનો પ્રતિબંધ હટાવી લીધો
કેન્દ્રની મોદી સરકારે એક મોટો નિર્ણય લીધો છે. સરકારે રાષ્ટ્રીય સ્વયંસેવક સંઘ એટલે કે આરએસએસની પ્રવૃત્તિઓમાં ભાગ લેતા સરકારી કર્મચારીઓ પરનો 58 વર્ષ જૂનો પ્રતિબંધ હટાવી લીધો છે. હવે સરકારી કર્મચારીઓ આરએસએસના કાર્યક્રમોમાં ભાગ લઈ શકશે.તમને જણાવી દઈએ કે સરકારે 1966, 1970 અને 1980ના આદેશોમાં સુધારો કર્યો છે, જેમાં સરકારી કર્મચારીઓ પર આરએસએસ શાખાઓ અને કેટલીક અન્ય સંસ્થાઓની સાથે અન્ય પ્રવૃત્તિઓમાં તેમની સંડોવણી માટે કડક દંડાત્મક જોગવાઈઓ લાગુ કરવામાં આવી હતી.
કોંગ્રેસે સાંધ્યું નિશાન
કોંગ્રેસે કેન્દ્રના આ નિર્ણયની ટીકા કરી છે. કોંગ્રેસ નેતા જયરામ રમેશે સોશિયલ મીડિયા પ્લેટફોર્મ પર લખ્યું જો કે, આ પછી સંઘ તરફથી સારા વર્તનના આશ્વાસન પર પ્રતિબંધ હટાવી લેવામાં આવ્યો હતો. “આ પછી પણ RSSએ ક્યારેય નાગપુરમાં તિરંગો ફરકાવ્યો નથી.” 1966 માં, RSS પ્રવૃત્તિઓમાં ભાગ લેતા સરકારી કર્મચારીઓ પર પ્રતિબંધ લાદવામાં આવ્યો હતો – અને તે યોગ્ય નિર્ણય હતો.
फरवरी 1948 में गांधीजी की हत्या के बाद सरदार पटेल ने RSS पर प्रतिबंध लगा दिया था।
इसके बाद अच्छे आचरण के आश्वासन पर प्रतिबंध को हटाया गया। इसके बाद भी RSS ने नागपुर में कभी तिरंगा नहीं फहराया।
1966 में, RSS की गतिविधियों में भाग लेने वाले सरकारी कर्मचारियों पर प्रतिबंध लगाया… pic.twitter.com/17vGKJmt3n
— Jairam Ramesh (@Jairam_Ramesh) July 21, 2024
તેમણે વધુમાં કહ્યું, “1966માં, સરકારી કર્મચારીઓને RSSની પ્રવૃત્તિઓમાં ભાગ લેવા પર પ્રતિબંધ મૂકવામાં આવ્યો હતો – અને નિર્ણય યોગ્ય હતો. પરંતુ 4 જૂન 2024 પછી પીએમ મોદી અને આરએસએસ વચ્ચેના સંબંધોમાં ઘટાડો જોવા મળી રહ્યો છે. દરમિયાન, 9 જુલાઈ, 2024 ના રોજ, મોદી સરકારે 58 વર્ષનો પ્રતિબંધ ઉઠાવી લીધો. જ્યારે અટલ બિહારી વાજપેયીના વડાપ્રધાન તરીકેના કાર્યકાળ દરમિયાન પણ આ પ્રતિબંધ લાગુ હતો.
રાષ્ટ્રીય સ્વયંસેવક સંઘના ભારતીય પ્રચાર પ્રમુખ સુનિલ આંબેકરનું નિવેદન
રાષ્ટ્રીય સ્વયંસેવક સંઘ છેલ્લા 99 વર્ષથી સતત રાષ્ટ્રના પુનઃનિર્માણ અને સમાજની સેવામાં કાર્યરત છે. રાષ્ટ્રીય સુરક્ષા, એકતા અને અખંડિતતામાં યોગદાન અને કુદરતી આફતોના સમયે સમાજને સાથે લઈ જવાને કારણે દેશના વિવિધ પ્રકારના નેતૃત્વએ સમયાંતરે સંઘની ભૂમિકાની પ્રશંસા કરી છે.તેના રાજકીય હિતોને કારણે તત્કાલિન સરકારે સરકારી કર્મચારીઓને સંઘ જેવી રચનાત્મક સંસ્થાની પ્રવૃત્તિઓમાં ભાગ લેવા પર પાયાવિહોણા પ્રતિબંધ મૂક્યો હતો અને સરકારનો હાલનો નિર્ણય યોગ્ય છે અને ભારતની લોકશાહી વ્યવસ્થાને મજબૂત કરવા જઈ રહ્યો છે.
राष्ट्रीय स्वयंसेवक संघ गत 99 वर्षों से सतत राष्ट्र के पुनर्निर्माण एवं समाज की सेवा में संलग्न है। राष्ट्रीय सुरक्षा, एकता-अखंडता एवं प्राकृतिक आपदा के समय में समाज को साथ लेकर संघ के योगदान के चलते समय-समय पर देश के विभिन्न प्रकार के नेतृत्व ने संघ की भूमिका की प्रशंसा भी की… pic.twitter.com/MxRelxOyU4
— RSS (@RSSorg) July 22, 2024
