IND vs SL 1st T20I : ભારત અને શ્રીલંકા વચ્ચે T20 સિરીઝની પ્રથમ મેચ આજે એટલે કે 27 જુલાઈ શનિવારના રોજ રમાશે.આ મેચ પહેલા ટીમ ઈન્ડિયા મુશ્કેલીમાં જોવા મળી રહી છે.
- હાઈલાઈટ્સ :
- ભારત અને શ્રીલંકા વચ્ચે આજથી T20 સિરીઝ શરૂ
- સૂર્યકુમાર યાદવ તેમ ઇન્ડિયાની કપ્તાની કરશે
- ટી-20 સિરીઝની ત્રણેય મેચો માત્ર પલ્લેકેલે ઈન્ટરનેશનલ સ્ટેડિયમમાં જ રમાશે
- ભારતીય સમય અનુસાર મેચ સાંજે 7 વાગ્યે શરૂ થશે.
- ભારત અને શ્રીલંકા વચ્ચે અત્યાર સુધીમાં 29 T20 આંતરરાષ્ટ્રીય મેચ રમાઈ
- આ મેચોમાં ટીમ ઈન્ડિયાએ 19 માં જીત મેળવી ,જ્યારે શ્રીલંકા માત્ર 9 જ જીતી
ભારત અને શ્રીલંકા વચ્ચે રમાનારી ત્રણ મેચની T20 શ્રેણી આજથી એટલે કે 27 જુલાઈ શનિવારથી શરૂ થશે. ટીમ ઈન્ડિયા T20 અને ODI શ્રેણી રમવા માટે શ્રીલંકા પ્રવાસ પર હાજર છે. આ પ્રવાસ દ્વારા ટીમ ઈન્ડિયાના સિનિયર ખેલાડીઓ મેદાનમાં પરત ફરશે. જો કે આ સીરીઝ પહેલા ભારતીય ફાસ્ટ બોલર મોહમ્મદ સિરાજ ઈજાગ્રસ્ત થઈ ગયો હતો. પ્રેક્ટિસ દરમિયાન સિરાજને ઈજા થઈ હતી.સિરાજને જમણા પગમાં ઈજા થઈ હતી.અત્યાર સુધી,સિરાજને લઈને આવી કોઈ માહિતી સામે આવી નથી કે તે T20 શ્રેણીની પ્રથમ મેચમાં રમશે કે નહીં.
બીસીસીઆઈએ સોશિયલ મીડિયા દ્વારા એક વીડિયો શેર કર્યો છે, જેમાં ટીમ ઈન્ડિયાના પૂર્વ મુખ્ય કોચ રાહુલ દ્રવિડે ગૌતમ ગંભીરને ખાસ સંદેશ આપ્યો.
𝗣𝗮𝘀𝘀𝗶𝗻𝗴 𝗼𝗻 𝘁𝗵𝗲 𝗯𝗮𝘁𝗼𝗻 𝘄𝗶𝘁𝗵 𝗰𝗹𝗮𝘀𝘀 & 𝗴𝗿𝗮𝗰𝗲! 📝
To,
Gautam Gambhir ✉From,
Rahul Dravid 🔊#TeamIndia | #SLvIND | @GautamGambhir pic.twitter.com/k33X5GKHm0— BCCI (@BCCI) July 27, 2024
પ્રથમ T20 ક્યારે અને ક્યાં રમાશે ?
ભારત અને શ્રીલંકા વચ્ચે રમાનાર પ્રથમ T20 મેચ 27 જુલાઈ શનિવારના રોજ રમાશે. ભારતીય સમય અનુસાર મેચ સાંજે 7 વાગ્યે શરૂ થશે. આ મેચ પલ્લેકલેના ઈન્ટરનેશનલ સ્ટેડિયમમાં રમાશે. ટી-20 સિરીઝની ત્રણેય મેચો માત્ર પલ્લેકેલે ઈન્ટરનેશનલ સ્ટેડિયમમાં જ રમાશે
ભારત Vs શ્રીલંકા T20 ઇન્ટરનેશનલ મેચ
ભારત અને શ્રીલંકા વચ્ચે અત્યાર સુધીમાં 29 T20 આંતરરાષ્ટ્રીય મેચ રમાઈ છે. આ મેચોમાં ટીમ ઈન્ડિયાએ 19માં જીત મેળવી હતી, જ્યારે શ્રીલંકા માત્ર 9 જ જીતી છે. બને વચ્ચેની મેચ અનિર્ણિત રહી છે.
આ પહેલા ભારત અને શ્રીલંકા વચ્ચે T20 સિરીઝ જાન્યુઆરી 2023માં રમાઈ હતી. ભારતે આ શ્રેણી 2-1થી જીતી લીધી હતી.જો કે ત્યારબાદ ભારતે ઘરઆંગણાની ધરતી પર શ્રેણી રમી હતી.આ વખતે શ્રેણી શ્રીલંકામાં રમાશે.
T20 શ્રેણી માટે ભારતીય ટીમ
સૂર્યકુમાર યાદવ (કેપ્ટન), ઋષભ પંત (વિકેટકીપર), શુભમન ગિલ, યશસ્વી જયસ્વાલ, હાર્દિક પંડ્યા, રિંકુ સિંઘ, વોશિંગ્ટન સુંદર, અક્ષર પટેલ, રવિ બિશ્નોઈ, અર્શદીપ સિંહ, મોહમ્મદ સિરાજ, સંજુ સેમસન, રિયાન પરાગ, ખલીલ અહેમદ, શિવમ દુબે
T20 શ્રેણી માટે શ્રીલંકાની ટીમ
કુસલ મેન્ડિસ (વિકેટકીપર), ચારિથ અસલંકા (કેપ્ટન), પથુમ નિસાંકા, અવિષ્કા ફર્નાન્ડો, દાસુન શનાકા, કામિન્દુ મેન્ડિસ, વાનિન્દુ હસરાંગા, મહેશ થીકશાના, દિલશાન મદુશંકા, મથિશા પથિરાના, બિનુરા ફર્નાન્ડો, દિનેશ પેરથેલા, કુસલ ફેરાનાન્ડો, દિનેશ ચંદુલાલ, કુસલ મેન્ડિસ. , ચામિન્દુ વિક્રમસિંઘે.