15મી ઓગસ્ટ સ્વતંત્રતા દિવસ પહેલા દરેક ઘરમાં તિરંગા યાત્રાનું આયોજન કરવામાં આવશે. આવતીકાલે અમદાવાદમાં અમિત શાહ આ યાત્રાનું ઉદ્ઘાટન કરશે. આ કાર્યક્રમનો ઉદ્દેશ્ય ભારતીય ધ્વજના પ્રદર્શન દ્વારા રાષ્ટ્રીય ગૌરવ અને એકતાને પ્રોત્સાહન આપવાનો છે. તમને જણાવી દઈએ કે આ કાર્યક્રમ આવતીકાલે સાંજે 4.30 વાગ્યાથી અમદાવાદના વિરાટનગર વિસ્તારમાં શરૂ થશે.
હાઈલાઈટ્સ :
- અમિત શાહ આવતીકાલે ગુજરાતની મુલાકાતે
- અમદાવાદમાં ‘હર ઘર તિરંગા યાત્રા’ની શરૂઆત કરાવશે
- અમદાવાદમાં આવતીકાલે સાંજે 4:30 વાગ્યે કાર્યકમ
- વિરાટનગરમાં મનપા દ્વારા કાર્યકામનું આયોજન
- તિરંગા યાત્રામાં સીએમ ભૂપેન્દ્ર પટેલ પણ હાજરી આપશે
- ‘હર ઘર તિરંગા’ અભિયાન આઝાદી કા અમૃત મહોત્સવનો એક ભાગ છે
કેન્દ્રીય ગૃહમંત્રી અમિત શાહ આવતીકાલે અમદાવાદમાં ‘હર ઘર તિરંગા યાત્રા’નો પ્રારંભ કરશે. એક સત્તાવાર નિવેદન અનુસાર, કેન્દ્રીય ગૃહ પ્રધાન અમિત શાહ મંગળવારે અમદાવાદમાં ભાજપની ‘હર ઘર તિરંગા યાત્રા’ને લીલી ઝંડી આપશે.
અમદાવાદ મ્યુનિસિપલ કોર્પોરેશન દ્વારા આયોજિત, આ કાર્યક્રમનો ઉદ્દેશ્ય ભારતીય ધ્વજના પ્રદર્શન દ્વારા રાષ્ટ્રીય ગૌરવ અને એકતાને પ્રોત્સાહન આપવાનો છે અને અમદાવાદના વિરાટનગર વિસ્તારમાં સાંજે 4.30 વાગ્યે શરૂ થશે.
ભાજપે શરૂ કર્યું ‘હર ઘર તિરંગા અભિયાન’
આ ઝુંબેશ દેશભક્તિ અને રાષ્ટ્રીય ઓળખની ભાવનાને મજબૂત કરવા સાથે નાગરિકોને તેમના ઘર પર રાષ્ટ્રધ્વજ ફરકાવવા માટે પ્રોત્સાહિત કરવા માટે એક વ્યાપક અભિયાન પહેલનો એક ભાગ છે.
તમને જણાવી દઈએ કે ભારતીય જનતા પાર્ટી (BJP)એ દેશભરમાં ‘હર ઘર તિરંગા’ અભિયાન શરૂ કર્યું છે. આ સમયગાળા દરમિયાન, કેન્દ્ર સરકારે નાગરિકોને દરેક ઘર, દુકાન અને ઓફિસ પર ત્રિરંગો ફરકાવવા વિનંતી કરી હતી.
પીએમ મોદીએ રાષ્ટ્રધ્વજ ફરકાવવાની અપીલ કરી હતી
અગાઉ, વડા પ્રધાન નરેન્દ્ર મોદીએ પક્ષના ‘હર ઘર તિરંગા’ અભિયાનના ભાગ રૂપે 15 ઓગસ્ટે સ્વતંત્રતા દિવસના અવસરે નાગરિકોને તેમના ઘરો પર રાષ્ટ્રધ્વજ ફરકાવવાની અપીલ કરી હતી.
28 જુલાઈના રોજ 112મી ‘મન કી બાત’માં વડાપ્રધાન મોદીએ તમામ ભારતીયોને સ્વતંત્રતા દિવસની ઉજવણી માટે ‘હર ઘર તિરંગા’ અભિયાનમાં ભાગ લેવા આહ્વાન કર્યું હતું.
આ અભિયાન ક્યારે શરૂ થયું ?
‘હર ઘર તિરંગા’ એક અભિયાન છે જે આઝાદી કા અમૃત મહોત્સવનો એક ભાગ છે. ભારતની આઝાદીના 75મા વર્ષની ઉજવણીમાં લોકોને ત્રિરંગો ઘરે લાવવા અને તેને ફરકાવવા પ્રોત્સાહિત કરવા માટે 2021માં તે લોન્ચ કરવામાં આવ્યું હતું. આ પહેલ પાછળનો વિચાર લોકોના હૃદયમાં દેશભક્તિની ભાવના જગાડવાનો અને ભારતીય રાષ્ટ્રધ્વજ વિશે જાગૃતિ ફેલાવવાનો છે.
વડાપ્રધાન મોદીએ સ્વતંત્રતા દિવસ પહેલા તેમના પ્રોફાઇલ ચિત્રોને ત્રિરંગામાં બદલીને ‘હર ઘર તિરંગા’ ઝુંબેશને જીવંત લોક ચળવળમાં ફેરવવા નાગરિકોને પ્રોત્સાહિત કર્યા. ગૃહમંત્રી શાહે પણ આ અપીલનો પુનરોચ્ચાર કર્યો અને વ્યાપક સહભાગિતા અને સેલ્ફી શેર કરવા વિનંતી કરી.
