શિખર ધવને અચાનક ક્રિકેટમાંથી સંન્યાસ લીધો, હવે ગબ્બર ટીમ ઈન્ડિયામાં નહીં જોવા મળે

હાઇલાઇટ્સ

• શિખર ધવને અચાનક ક્રિકેટમાંથી નિવૃત્તિ લઈ લીધી
• આંતરરાષ્ટ્રીય અને સ્થાનિક બંને ક્રિકેટને અલવિદા
• 34 ટેસ્ટ, 167 ODI અને 68 T20ની કારકિર્દી

ગબ્બર તરીકે જાણીતા શિખર ધવને 34 ટેસ્ટ, 167 ODI અને 68 T20 રમ્યા બાદ આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. શિખર ધવન ફરી ક્યારેય ભારતીય વાદળી જર્સીમાં જોવા નહીં મળે.

શિખર ધવને આંતરરાષ્ટ્રીય અને સ્થાનિક ક્રિકેટમાંથી નિવૃત્તિ લેવાનો નિર્ણય લીધો છે. તેણે 24મી ઓગસ્ટે વહેલી સવારે સોશિયલ મીડિયા પર એક ઈમોશનલ વીડિયો પોસ્ટ કરીને નિવૃત્તિની જાહેરાત કરી હતી. ‘ગબ્બર’ તરીકે ઓળખાતો આ ડાબોડી બેટ્સમેન લાંબા સમયથી ટીમની બહાર હતો. શુભમન ગિલ જેવા યુવા ઓપનર આવ્યા બાદ ટીમમાં તેની વાપસી મુશ્કેલ લાગી રહી હતી. તે IPL રમશે કે નહીં તે અંગે હાલમાં કોઈ અપડેટ નથી. લગભગ 39 વર્ષનો શિખર ધવને 2010માં પહેલીવાર ભારત માટે ODI ક્રિકેટ રમી હતી, ત્યારબાદ તેને T-20 અને પછી ટેસ્ટ ફોર્મેટમાં ડેબ્યૂ કરવાનો મોકો મળ્યો હતો.

વર્તમાન કેપ્ટન રોહિત શર્મા અને શિખર ધવને એકસાથે ઘણા વર્ષોથી ભારતીય ટીમ માટે ઓપનિંગ કર્યું હતું. બંને ટીમને તોફાની શરૂઆત આપવા માટે ફેમસ હતા. શિખર ધવને ઓસ્ટ્રેલિયા પ્રવાસ પર પદાર્પણ કરતી વખતે નવોદિત ખેલાડી દ્વારા સૌથી ઝડપી ટેસ્ટ સદી ફટકારીને પસંદગીકારોને ચોંકાવી દીધા હતા. ધવન, જે દિલ્હીનો છે, તે એક આક્રમક બેટ્સમેન હતો, જે બોલરોની પીટાઈ કરવા માટે જાણીતો હતો.

સેહવાગ-ગંભીરના ખરાબ ફોર્મનો ફાયદો
2003-04 અંડર-19 વર્લ્ડ કપમાં ત્રણ સદી સાથે 84.16ની સરેરાશથી 505 રન બનાવ્યા બાદ તે પ્લેયર ઓફ ધ ટુર્નામેન્ટ બન્યો હતો. આ પછી રણજી ટ્રોફીમાં ધવનનું પ્રદર્શન કંઈ ખાસ રહ્યું ન હતું. IPL અને પાંચ વન-ડેમાં નિરાશાજનક પ્રદર્શન અને ટેસ્ટ ઓપનરોના સારા પ્રદર્શન બાદ એવું લાગતું હતું કે ધવનને સ્થાનિક ક્રિકેટ અને T20 લીગમાં ઉતારવામાં આવશે, પરંતુ નસીબ બદલાયું અને સેહવાગ અને ગંભીર બંનેનું ફોર્મ અચાનક બગડ્યું જેમાં 27 વર્ષના ધવનને તક મળી અને તેણે પાછળ વળીને જોયું નથી.

 

View this post on Instagram

 

A post shared by Shikhar Dhawan (@shikhardofficial)

આઈપીએલ કરિયર પણ તોફાની
શિખર ધવન IPLમાં બેક ટુ બેક સદી ફટકારનાર પ્રથમ ખેલાડી છે. IPLમાં સૌથી વધુ ચોગ્ગા મારવાનો રેકોર્ડ ધવનના નામે છે. કુલ રનના મામલામાં તે માત્ર વિરાટ કોહલીથી પાછળ છે. ધવને 2016માં સનરાઇઝર્સ હૈદરાબાદ (SRH) સાથે IPL જીતી હતી.

શિખર ધવનના રેકોર્ડ:
શિખર ધવનની કારકિર્દીના 5 અદ્ભુત રેકોર્ડ, જેને વિરાટ-રોહિત પણ તોડી શકશે નહીં

સનરાઈઝર્સ હૈદરાબાદ ઉપરાંત, શિખર ધવન દિલ્હી ડેરડેવિલ્સ (DD) અને દિલ્હી કેપિટલ્સ (DC), ડેક્કન ચાર્જર્સ, મુંબઈ ઈન્ડિયન્સ (MI) અને પંજાબ કિંગ્સ (PBKS) સાથે રમ્યો છે. ધવને પંજાબ કિંગ્સ અને SRH બંનેની કેપ્ટનશિપ પણ કરી છે.