હાઈલાઈટ્સ
- બાંગ્લાદેશના 11 જિલ્લામાં પૂરના કારણે સ્થિતિ વણસી
- 15ના મોત, 44 લાખ લોકો પ્રભાવિત
- ફેનીમાં 94 ટકાથી વધુ મોબાઈલ ટાવરને નુકસાન
- બાંગ્લાદેશના અગ્રણી અખબાર ડેલી સ્ટારે આ માહિતી આપી
કુમિલા અને ચટ્ટોગ્રામ સહિત બાંગ્લાદેશના 11 જિલ્લામાં 44 લાખ લોકો ફસાયેલા છે. આ જળ હોનારતમાં આ જિલ્લાઓમાં 15 લોકોના મોત થયા છે.
પાડોશી દેશ બાંગ્લાદેશના 11 જિલ્લામાં પૂરના કારણે સ્થિતિ વધુ ખરાબ થઈ ગઈ છે. કુમિલા અને ચટ્ટોગ્રામમાં, ગુમતી અને હલ્દા નદીઓના પાળાના કેટલાક ભાગો ધોવાઈ ગયા છે. કુમિલા અને ચટ્ટોગ્રામ સહિત બાંગ્લાદેશના 11 જિલ્લામાં 44 લાખ લોકો ફસાયેલા છે. આ જળ હોનારતમાં આ જિલ્લાઓમાં 15 લોકોના મોત થયા છે. ડિઝાસ્ટર મેનેજમેન્ટ મંત્રાલયના આસિસ્ટન્ટ સેક્રેટરી હસન અલીએ જણાવ્યું છે કે કુમિલ્લામાં ચાર, ચટ્ટોગ્રામમાં ચાર, ફેનીમાં એક, નોઆખલીમાં એક, બ્રાહ્મણબારિયામાં એક, લક્ષ્મીપુરમાં એક અને કોક્સ બજારમાં ત્રણ લોકોના મોત થયા છે. બાંગ્લાદેશના અગ્રણી અખબાર ડેલી સ્ટારે આ માહિતી આપી છે.
આ અખબાર અનુસાર, બાંગ્લાદેશના ફ્લડ ફોરકાસ્ટિંગ સેન્ટરના બુલેટિનમાં કહેવામાં આવ્યું છે કે ભારતના કુમિલા, બ્રાહ્મણબારિયા, ફેની અને ત્રિપુરામાં વરસાદ બંધ થતાં જ નદીઓના જળસ્તરમાં થોડો ઘટાડો થયો છે. કેન્દ્રના એક્ઝિક્યુટિવ એન્જિનિયર સરદાર ઉદય રાયહાન કહે છે કે સાત નદીઓ હજુ પણ ખતરાના નિશાનથી ઉપર વહી રહી છે. ફેનીમાં કટોકટી સૌથી ગંભીર છે. હજારો લોકોના મોબાઈલ ફોન કામ કરતા નથી. ફેનીમાં 94 ટકાથી વધુ મોબાઈલ ટાવરને નુકસાન થયું છે. ટેલિકોમ રેગ્યુલેટરે કહ્યું છે કે 12 જિલ્લામાં 1,807 ટાવરને નુકસાન થયું છે.
ડિઝાસ્ટર મેનેજમેન્ટ મંત્રાલયના સચિવ કમરૂલ હસને પત્રકારોને જણાવ્યું હતું કે વિવિધ જિલ્લાના 77 પેટા જિલ્લા લગભગ ડૂબી ગયા છે. કુમિલાના બુરીચોંગમાં ગુમતી નદી પર પાળા તૂટી પડતાં લગભગ પાંચ લાખ લોકો ફસાયા હતા.
