હાઈલાઈટ્સ
- સોશિયલ મીડિયા પર એક ઓડિયો મેસેજ વાયરલ થયા બાદ હિંસા ફાટી નીકળી
- કર્ણાટકના મેંગલુરુમાં ઈદ મિલાદ ઉન નબીના અવસર પર હિંસા
- વીડિયો વાયરલ થયા બાદ VHP અને બજરંગ દળના લોકો રસ્તા પર ઉતરી આવ્યા
- હિંદુ સંગઠનોના કાર્યકરોએ પોલીસ સાથે ઘર્ષણ પણ કર્યું હતું અને બેરિકેડ પણ તોડી નાખ્યા
સોશિયલ મીડિયા પર એક ઓડિયો મેસેજ વાયરલ થયા બાદ હિંસા ફાટી નીકળી હતી. જે બાદ વિશ્વ હિંદુ પરિષદ અને બજરંગ દળના કાર્યકરો રસ્તા પર ઉતરી આવ્યા હતા અને વિરોધ પ્રદર્શન કરવા લાગ્યા હતા.
ઈદ મિલાદ ઉન નબીનો તહેવાર દેશભરમાં ધામધૂમથી ઉજવવામાં આવી રહ્યો છે, પરંતુ કર્ણાટકના મેંગલુરુમાં ઈદ પર હિંસા ફાટી નીકળી હતી. કહેવામાં આવી રહ્યું છે કે સોશિયલ મીડિયા પર એક ઓડિયો મેસેજ વાયરલ થયા બાદ હિંસા ફાટી નીકળી હતી. જે બાદ વિશ્વ હિંદુ પરિષદ અને બજરંગ દળના કાર્યકરો રસ્તા પર ઉતરી આવ્યા હતા અને વિરોધ પ્રદર્શન કરવા લાગ્યા હતા. લોકોમાં રોષ ફેલાયો હતો અને સૂત્રોચ્ચાર કર્યા હતા. હિંદુ સંગઠનોના કાર્યકરોએ પોલીસ સાથે ઘર્ષણ પણ કર્યું હતું અને બેરિકેડ પણ તોડી નાખ્યા હતા.
#WATCH | Karnataka: Vishwa Hindu Parishad and Bajrang Dal workers stage protest in Mangaluru over a social media post; police personnel deployed pic.twitter.com/4NUkreU9KQ
— ANI (@ANI) September 16, 2024
હિંસા કેમ ફાટી નીકળી?
ખરેખર, સોશિયલ મીડિયા પર એક ઓડિયો મેસેજ વાયરલ થયો હતો, જેમાં મુસ્લિમ સમુદાયના કેટલાક લોકોએ ઈદ મુલાદ ઉન નબીના જુલૂસને રોકવાની ચેલેન્જ આપી હતી. સંદેશમાં કહેવામાં આવ્યું હતું કે અમે બીસી રોડથી કૈકંબદ્વારા મસ્જિદ સુધી ઈદે મિલાદ ઉન નબી યાત્રા કાઢીશું. આ પોસ્ટ વાયરલ થયા બાદ વિશ્વ હિન્દુ પરિષદ અને બજરંગ દળના લોકો ગુસ્સે થયા હતા.
જે બાદ બીસી રોડ પર હિન્દુ સંગઠનો દ્વારા હંગામો જોવા મળ્યો હતો. ઈદે મિલાદ ઉન નબીના તહેવારને ધ્યાનમાં રાખીને આગોતરી સુરક્ષા વ્યવસ્થા ગોઠવી દેવામાં આવી હતી અને પોલીસ બંદોબસ્ત ગોઠવી દેવામાં આવ્યો હતો. દક્ષિણ કન્નડ એસપી યતિષ એનએ જણાવ્યું કે આજે ઈદ-એ-મિલાદના તહેવાર નિમિત્તે અમે સમગ્ર જિલ્લામાં પૂરતી વ્યવસ્થા કરી છે.
