હાઈલાઈટ્સ
- કોંગ્રેસના નેતા અને પૂર્વ ક્રિકેટર અઝહરુદ્દીનને ઝટકો
- EDએ મની લોન્ડરિંગ કેસમાં મોકલ્યું સમન્સ
- HCA ના નાણાકીય કૌભાંડ સાથે સંબંધિત મની લોન્ડરિંગ કેસમાં સમન્સ પાઠવ્યું
એન્ફોર્સમેન્ટ ડિરેક્ટોરેટ (ED) એ પૂર્વ ક્રિકેટર અને કોંગ્રેસ નેતા મોહમ્મદ અઝહરુદ્દીનને હૈદરાબાદ ક્રિકેટ એસોસિએશન (HCA) ના નાણાકીય કૌભાંડ સાથે સંબંધિત મની લોન્ડરિંગ કેસમાં સમન્સ પાઠવ્યું છે.
એન્ફોર્સમેન્ટ ડિરેક્ટોરેટ (ED) એ પૂર્વ ક્રિકેટર અને કોંગ્રેસ નેતા મોહમ્મદ અઝહરુદ્દીનને હૈદરાબાદ ક્રિકેટ એસોસિએશન (HCA) ના નાણાકીય કૌભાંડ સાથે સંબંધિત મની લોન્ડરિંગ કેસમાં સમન્સ પાઠવ્યું છે. EDએ તેમને ગુરુવારે પૂછપરછ માટે બોલાવ્યા છે. તેઓ HCA ના પ્રમુખ રહી ચૂક્યા છે.
સત્તાવાર સૂત્રોએ ગુરુવારે જણાવ્યું હતું કે કેન્દ્રીય તપાસ એજન્સી EDએ ભૂતપૂર્વ ક્રિકેટર અને કોંગ્રેસ નેતા મોહમ્મદ અઝહરુદ્દીનને નાણાકીય કૌભાંડ સંબંધિત મની લોન્ડરિંગ કેસમાં આજે પૂછપરછ માટે સમન્સ પાઠવ્યું છે. EDએ કોંગ્રેસ નેતાને આ પહેલું સમન્સ જારી કર્યું છે, જે અંતર્ગત તેમણે કેન્દ્રીય તપાસ એજન્સી સમક્ષ હાજર થવું પડશે. ભૂતપૂર્વ ક્રિકેટર પર તેમના કાર્યકાળ દરમિયાન ભંડોળના દુરુપયોગનો આરોપ છે.
આ મામલો હૈદરાબાદના ઉપ્પલમાં રાજીવ ગાંધી ક્રિકેટ સ્ટેડિયમ માટે ડીઝલ જનરેટર, ફાયર ફાઇટિંગ સિસ્ટમ અને છત્રીઓની ખરીદી માટે ફાળવવામાં આવેલા રૂ. 20 કરોડના કથિત ગેરઉપયોગ સાથે સંબંધિત છે. અઝહરુદ્દીન સપ્ટેમ્બર 2019માં HCAના પ્રમુખ તરીકે ચૂંટાયા હતા. એપેક્સ કાઉન્સિલના ભંડોળના દુરુપયોગના આરોપો પર કાર્યવાહી કરવામાં આવ્યા બાદ તેમણે જૂન 2021 માં તેમના પદ પરથી રાજીનામું આપવું પડ્યું હતું.
