હાઈલાઈટ્સ
- આતંકવાદી પ્રવૃતિમાં ભારતે કેનેડાના અધિકારીનું નામ આપ્યું!
- ભારતે ટ્રુડો પ્રશાસનને ફોટો અને નામ મોકલ્યા
- આતંકવાદી લખબીર સિંહ રોડે વર્ષ 2020માં બલવિંદર સિંહ સંધુની હત્યાને અંજામ આપ્યો હતો
અહેવાલો અનુસાર, CBSA કર્મચારી અને પ્રતિબંધિત ઈન્ટરનેશનલ શીખ યુથ ફેડરેશન (ISYF) ના સભ્ય સંદીપ સિંહ સિદ્ધુને પંજાબમાં આતંકવાદી ગતિવિધિઓને પ્રોત્સાહન આપવાના આરોપમાં તેમની કથિત સંડોવણી બદલ યાદીમાં સામેલ કરવામાં આવ્યો છે.
ખાલિસ્તાની આતંકવાદી હરદીપ સિંહ નિજ્જરની હત્યાને લઈને ભારત અને કેનેડા વચ્ચેના મોટા રાજદ્વારી વિવાદ વચ્ચે, નવી દિલ્હીએ કથિત રીતે કેનેડિયન બોર્ડર સર્વિસ એજન્સી (CBSA)ના અધિકારીને ભાગેડુ આતંકવાદીઓની યાદીમાં સામેલ કર્યા છે, જેની ઓળખ સંદીપ સિંહ સિદ્ધુ તરીકે થઈ છે. ભારત આ યાદીમાં સામેલ આતંકવાદીઓને કેનેડામાંથી દેશનિકાલ કરવા માંગે છે. ભારતે આ યાદી ટ્રુડો પ્રશાસનને આપી છે.
અહેવાલો અનુસાર, CBSA કર્મચારી અને પ્રતિબંધિત ઈન્ટરનેશનલ શીખ યુથ ફેડરેશન (ISYF) ના સભ્ય સંદીપ સિંહ સિદ્ધુને પંજાબમાં આતંકવાદી ગતિવિધિઓને પ્રોત્સાહન આપવાના આરોપમાં તેમની કથિત સંડોવણી બદલ યાદીમાં સામેલ કરવામાં આવ્યો છે. સંદીપ સિંહ સિદ્ધુના કથિત રીતે પાકિસ્તાન સ્થિત ખાલિસ્તાન આતંકવાદી લખબીર સિંહ રોડે અને અન્ય ISI ઓપરેટિવ સાથે સંબંધ હતા.
આતંકવાદી લખબીર સિંહ રોડે વર્ષ 2020માં બલવિંદર સિંહ સંધુની હત્યાને અંજામ આપ્યો હતો. સંધુને તેમની બહાદુરી માટે શૌર્ય ચક્ર પણ એનાયત કરવામાં આવ્યો હતો. બલવિંદર સિંઘ સંધુ પંજાબના બળવા દરમિયાન ખાલિસ્તાની આતંકવાદીઓ સામેના તેમના પ્રયાસો અને યુએસ અને કેનેડામાં શીખ ફોર જસ્ટિસ (SFJ)ના નેતૃત્વ હેઠળ ખાલિસ્તાન જનમતનો વિરોધ કરવા માટે પણ જાણીતા છે.
