હેડલાઈન :
- ગુજરાતમાં ડો.બાબાસાહેબ આંબેડકરનું અપમાન
- અમદાવાદમાં કોઈ અમામાજિક તત્વોનું કારસ્તાન
- ડો.બાબા સાહેબ આંબેડકરની પ્રતિમા ખંડિત કરાઈ
- ખોખરા વિસ્તાર સ્થિત ડો.બાબા સાહેબની પ્રતિમા
- ઘટનાને લઈ સમગ્ર વિસ્તારમાં તણાવનો માહોલ
- તાત્કાલિક ધોરણે આરોપીની ધરપકડ કરવા માંગ
અમદાવાદના ખોખરા વિસ્તારમાં અસામાજિક તત્વો દ્વારા બાબાસાહેબ ડો. ભીમરાવ આંબેડકરની પ્રતિમાની તોડફોડ કરવામાં આવી છે. જેના કારણે વિસ્તારમાં તણાવનો માહોલ સર્જાયો છે.
અમદાવાદના ખોખરા વિસ્તારમાં અસામાજિક તત્વો દ્વારા બાબાસાહેબ ડો. ભીમરાવ આંબેડકરની પ્રતિમાની તોડફોડ કરવામાં આવી છે. જેના કારણે વિસ્તારમાં તણાવનો માહોલ સર્જાયો છે. ખોખરા પોલીસ પણ ઘટના સ્થળે પહોંચી ગઈ છે. મોટી સંખ્યામાં લોકો રસ્તા પર ઉતરી આવ્યા છે.
મળતી માહિતી મુજબ ખોખર વિસ્તારમાં કે.કે.શાસ્ત્રી કોલેજ સામે આવેલી ડો.બાબા સાહેબ આંબેડકરની પ્રતિમા સ્થાપિત છે.કેટલાક અસામાજિક તત્વો દ્વારા બાબા સાહેબની પ્રતિમાનું નાક તોડી નાખવામાં આવ્યું છે.સવારે આ અંગેની માહિતી મળતાં લોકોના ટોળા એકઠા થઈ ગયા હતા.લોકોની માંગ છે કે જ્યાં સુધી બાબા સાહેબની પ્રતિમાને તોડી પાડનાર આરોપીઓની ધરપકડ ન થાય ત્યાં સુધી તેઓ રસ્તા પરથી હટશે નહીં.
અમરાઈવાડીના કોર્પોરેટર અને કોંગ્રેસ પક્ષના નેતાએ જણાવ્યું હતું કે ખોખરામાં ડો.જયંતિ વકીલ ચાલ પાસે અસામાજિક તત્વોએ વહેલી સવારે બાબા સાહેબ આંબેડકરની પ્રતિમાને તોડફોડ કરી હતી.બાબા સાહેબની પ્રતિમાને તોડીને શહેરની શાંતિ ડહોળવાનો પ્રયાસ કરવામાં આવ્યો છે,પોલીસ આવા અસામાજિક તત્વોને તાત્કાલિક પકડીને સજા કરે તેવી અમારી માંગ છે.
SORCE : હિન્દુસ્તાન સમાચાર
