હેડલાઈન :
- ભારતીય અવકાશ સંશોધન સંગઠન ઇસરોનું 100મું પ્રક્ષેપણ
- ISRO નો સફળતાની સદી સાથે અવકાશ ક્ષેત્રે નવો રેકોર્ડ
- NVS-02 વહન કરતું GSLV-F15 સફળતાપૂર્વક લોન્ચ કરાયું
- આંધ્રપ્રદેશના શ્રીહરિકોટાથી આજે સવારે 6.23 વાગ્યે પ્રક્ષેપણ
- ઇસરોના વડાનો કાર્યભાર સંભાળનારા વી.નારાયણન માટે પ્રથમ પ્રક્ષેપણ
- ચેરમેન નારાયણને સફળતા માટે ISROના વૈજ્ઞાનિકોને અભિનંદન આપ્યા
ભારતીય અવકાશ સંશોધન સંગઠન ઇસરો નું ઐતિહાસિક 100મું પ્રક્ષેપણ સફળ રહ્યું.આંધ્રપ્રદેશના શ્રીહરિકોટાથી આજે સવારે 6.23 વાગ્યે NVS-02 વહન કરતું GSLV-F15 સફળતાપૂર્વક લોન્ચ કરવામાં આવ્યું.આ સફળતા અંગે ઇસરોએ કહ્યું કે ભારતે અવકાશ નેવિગેશનમાં નવી ઊંચાઈઓ હાંસલ કરી છે.
#100thLaunch:
Congratulations @isro for achieving the landmark milestone of #100thLaunch from #Sriharikota.
It’s a privilege to be associated with the Department of Space at the historic moment of this record feat.
Team #ISRO, you have once again made India proud with… pic.twitter.com/lZp1eV4mmL— Dr Jitendra Singh (@DrJitendraSingh) January 29, 2025
NVS-02 ઉપગ્રહ ISROના વૈજ્ઞાનિકો દ્વારા વિકસાવવામાં આવ્યો છે.આ એક સ્વદેશી નેવિગેશન સેટેલાઇટ સિસ્ટમ છે.તેનું વજન 2,250 કિલો છે.તે નવી પેઢીના નેવિગેશન ઉપગ્રહોમાં બીજો છે.ઇસરોના વડા તરીકે કાર્યભાર સંભાળનારા વી.નારાયણન માટે આ પ્રથમ પ્રક્ષેપણ છે.તેમણે જાતે પ્રક્ષેપણનું નિરીક્ષણ કર્યું.આ ઉપગ્રહ પ્રક્ષેપણ ભૌગોલિક,હવાઈ અને દરિયાઈ નેવિગેશન સેવાઓ માટે ઉપયોગી થશે.આ ટેકનોલોજી કૃષિ,વિમાન વ્યવસ્થાપન અને મોબાઇલ ઉપકરણોમાં સ્થાન-આધારિત સેવાઓ પૂરી પાડવામાં મદદ કરશે.
ચેરમેન નારાયણને આ સફળતા માટે ISROના વૈજ્ઞાનિકોને અભિનંદન આપ્યા.તેમણે કહ્યું કે આ વર્ષે કરવામાં આવેલ પહેલો પ્રયોગ સફળ રહ્યો.NVS-02 ઉપગ્રહ દસ વર્ષ સુધી સેવામાં રહેશે.વિક્રમ સારાભાઈના સમયથી ISRO નવા રેકોર્ડ બનાવી રહ્યું છે.નારાયણે કહ્યું કે અત્યાર સુધીમાં અમે છ પેઢીના લોન્ચ વાહનો વિકસાવી ચૂક્યા છીએ. પ્રથમ લોન્ચ વ્હીકલ 1979 માં ડૉ.અબ્દુલ કલામના નેતૃત્વ હેઠળ લોન્ચ કરવામાં આવ્યું હતું.શ્રીહરિકોટામાં અત્યાર સુધીમાં 100 પ્રયોગો કરવામાં આવ્યા છે.અમે 100 પ્રક્ષેપણોમાં 548 ઉપગ્રહો પ્રક્ષેપિત કર્યા.નારાયણને કહ્યું કે
– ઇસરોએ ચંદ્રયાન-3,માસ ઓર્બિટર,આદિત્ય અને SRE મિશન લોન્ચ કર્યા
કેન્દ્રીય વિજ્ઞાન અને ટેકનોલોજી રાજ્યમંત્રી ડૉ. જીતેન્દ્ર સિંહે આ ઐતિહાસિક સિદ્ધિ માટે ભારતીય અવકાશ સંશોધન સંગઠન ઇસરો ને અભિનંદન પાઠવ્યા છે.સિંહે x હેન્ડલ પર લખ્યું,”100મું પ્રક્ષેપણ: શ્રીહરિકોટાથી 100મું પ્રક્ષેપણ કરવાની ઐતિહાસિક સિદ્ધિ હાંસલ કરવા બદલ ISROને અભિનંદન.રેકોર્ડ સિદ્ધિની આ ઐતિહાસિક ક્ષણે અવકાશ વિભાગ સાથે જોડાવું એ એક સૌભાગ્યની વાત છે.ટીમ ઈસરોએ ફરી એકવાર GSLV-F15 / NVS-02 મિશનના સફળ પ્રક્ષેપણ સાથે ભારતને ગૌરવ અપાવ્યું છે.”
તેમણે લખ્યું, વિક્રમ સારાભાઈ,સતીશ ધવન અને કેટલાક અન્ય લોકો દ્વારા એક નાની શરૂઆતથી, આ એક અદ્ભુત સફર રહી છે અને પીએમ મોદીએ અવકાશ ક્ષેત્રને “અનલોક” કર્યા પછી અને “આકાશ જ મર્યાદા છે” એવી માન્યતા જગાડ્યા પછી “આ એક વિશાળ છલાંગ છે.”
સૌજન્ય : હિન્દુસ્તાન સમાચાર
