હેડલાઈન :
- આમ આદમી પાર્ટીના સ્પામ કોલ્સ પર પ્રતિબંધની માંગનો મામલો
- સમગ્ર મામલે દિલ્હી હાઈકોર્ટે ચૂંટણી પંચને આપ્યો મહત્વનો નિર્દેશ
- AAP ના સ્પામ કોલના આરોપો પર કાનૂની કાર્યવાહી કરવાનો નિર્દેશ
- ચૂંટણીમાં મફત સુવિધાઓ અંગે કરાયેલા સ્પામ કોલના આરોપો પર નિર્દેશ
- આમ આદમી પાર્ટીના સ્પામ કોલ્સ પર ચૂંટણી પંચ કાર્યવાહી કરે : HC
- અધિકારીઓને સુપ્રીમ કોર્ટની માર્ગદર્શિકા મુજબ કાર્યવાહી કરવા નિર્દેશ
દિલ્હી હાઈકોર્ટે ચૂંટણી પંચને આમ આદમી પાર્ટી દ્વારા વિધાનસભા ચૂંટણીમાં મફત સુવિધાઓ અંગે કરવામાં આવેલા સ્પામ કોલના આરોપો પર કાનૂની કાર્યવાહી કરવાનો નિર્દેશ આપ્યો છે.
બુધવારે આમ આદમી પાર્ટીના સ્પામ કોલ્સ પર પ્રતિબંધ મૂકવાની માંગ કરતી અરજીનો નિકાલ કરતી વખતે મુખ્ય ન્યાયાધીશ ડી.કે.ઉપાધ્યાયની અધ્યક્ષતાવાળી બેન્ચે જણાવ્યું હતું કે જિલ્લા અને રાજ્ય ચૂંટણી અધિકારીઓને આ બાબતે કાર્યવાહી કરવાનો સંપૂર્ણ અધિકાર છે.
સુનાવણી દરમિયાન,હાઈકોર્ટે કહ્યું કે ચૂંટણી પંચે અરજદારોની ફરિયાદ પર પહેલાથી જ ધ્યાન આપ્યું છે અને મુખ્ય ચૂંટણી અધિકારીને આ મામલાની તપાસ કરવા કહ્યું છે.સુનાવણી દરમિયાન,ચૂંટણી પંચે કહ્યું કે 25 જાન્યુઆરીએ મળેલી ફરિયાદ પર ધ્યાન આપવામાં આવ્યું છે અને જો સ્પામ કોલ્સ અને સંદેશાઓ સુપ્રીમ કોર્ટના માર્ગદર્શિકાનું પાલન ન કરતા હોય,તો તેમની સામે કાર્યવાહી કરવામાં આવશે.આ માટે અધિકારીઓને સુપ્રીમ કોર્ટની માર્ગદર્શિકા મુજબ કાર્યવાહી કરવા કહેવામાં આવ્યું છે.
આ અરજી દ્રોણ દિવાન,કશિશ ધવન અને અર્શિયા જૈન દ્વારા દાખલ કરવામાં આવી હતી.સુનાવણી દરમિયાન,અરજદાર વતી હાજર રહેલા એડવોકેટ સિદ્ધાંત ધવને કહ્યું કે સ્પામ કોલ્સમાં એવું કહેવામાં આવી રહ્યું છે કે જો તમે અમને મત નહીં આપો,તો દિલ્હીને આપવામાં આવતી મફત વીજળી,પાણી અને બસ સેવા 11 ફેબ્રુઆરીથી રદ કરવામાં આવશે.આપણે બધાએ સાથે મળીને આને રોકવું પડશે.કારણ કે આવું કરીને લોકોમાં ભય પેદા કરવામાં આવી રહ્યો છે.
સૌજન્ય : હિન્દુસ્તાન સમાચાર
