હેડલાઈન :

• બજેટ પહેલા આર્થિક ક્ષેત્રે સામે આવ્યા સારા સમાચાર
• દેશના વિદેશી મુદ્રા ભંડારમાં ફરી એકવાર થયો વધારો
• સતત સાત અઠવાડિયાના ઘટાડા બાદ થયો વધારો
• વિદેશી હૂંડીયામણ ભંડાર વધીને 629.56 અબજ ડોલર થયો
• ભારતીય રિઝર્વ બેંકે શુક્રવારે જાહેર કર્યા હતા આંકડા

બજેટ પહેલી જ દેશ માટે આર્થિક મોરચે સારા સમાચાર સામે આવ્યા છે.કે સતત સાત અઠવાડિયાના ઘટાડા બાદ,વિદેશી મુદ્રા ભંડારમાં ફરી એકવાર વધારો નોંધાયો છે.ગત 24 જાન્યુઆરીના રોજ પૂરા થયેલા સપ્તાહમાં દેશનો વિદેશી હૂંડિયામણ ભંડાર 5.57 અબજ ડોલર વધીને 629.56 અબજ ડોલર થયો છે.

ભારતીય રિઝર્વ બેંક RBI એ શુક્રવારે જાહેર કરેલા આંકડા દર્શાવે છે કે ગત 24 જાન્યુઆરી 2025 ના રોજ પૂરા થયેલા સપ્તાહમાં દેશનો વિદેશી હૂંડિયામણ ભંડાર $5.57 બિલિયન વધીને $629.56 બિલિયન થયો છે.પાછલા સપ્તાહમાં વિદેશી હૂંડિયામણ અનામત $1.89 બિલિયન ઘટીને US $623.98 બિલિયન થયું હતું.

RBI ના ડેટા અનુસાર,દેશના વિદેશી હૂંડિયામણ ભંડારનો મુખ્ય ઘટક,વિદેશી ચલણ સંપત્તિ,24 જાન્યુઆરીએ પૂરા થયેલા સપ્તાહમાં $4.75 બિલિયન વધીને $537.89 બિલિયન થઈ ગઈ છે.આ સમયગાળા દરમિયાન સોનાના ભંડારનું અનામત મૂલ્ય $70.4 લાખ વધીને $69.65 બિલિયન થયું.સ્પેશિયલ ડ્રોઇંગ રાઇટ્સ SDR $79 મિલિયન વધીને $17.86 બિલિયન થયા.આંતરરાષ્ટ્રીય નાણાકીય ભંડોળ IMF પાસે ભારતની અનામત સ્થિતિ પણ $33 મિલિયન વધીને $4.15 બિલિયન થઈ ગઈ છે.

ઉલ્લેખનીય છે કે સપ્ટેમ્બર 2024 ના અંતમાં દેશનો વિદેશી મુદ્રા ભંડાર વધીને $704.88 બિલિયનના સર્વકાલીન ઉચ્ચ સ્તરે પહોંચી ગયો હતો.RBI એ જણાવ્યું હતું કે છેલ્લા કેટલાક અઠવાડિયાથી દેશના વિદેશી મુદ્રા ભંડારમાં ઘટાડો થઈ રહ્યો છે.આ ઘટાડો પુનઃમૂલ્યાંકન તેમજ રૂપિયાની અસ્થિરતા ઘટાડવા માટે RBI દ્વારા વિદેશી વિનિમય બજારમાં હસ્તક્ષેપને આભારી છે.

સૌજન્ય : હિન્દુસ્તાન સમાચાર