હેડલાઈન :
- 23 વર્ષ પહેલા એવી ઘટના ઘટી જેણે ગુજરાતને ઘમરોળ્યુ
- આજના દિવસે ગુજરાત ગોધરાકાંડ ઘટનાને 23 મી વરસી
- વર્ષ 2002માં બન્યો હતો ગોધરા ખાતે સાબરમતી એક્પ્રેસ કાંડ
- ગોધરાકાંડની ઘટના બાદ ગુજરાત કોમી હિંસાની આગમાં લપેટાયુ
- ટોળાએ સાબરમતી એક્સપ્રેસ ટ્રેનના S-6 કોચમાં આગ લગાવી દીધી
- ગોધરાકાંડની આ દુ:ખદ ઘટનામાં 59 લોકોના મૃત્યુ થયા હતા
- ટ્રેન અયોધ્યાથી અમદાવાદ જતી હતીજેમાં હિન્દુ યાત્રાળુઓ હતા
વર્ષ 2002 માં આજના દિવસે ગોધરાકાંડની ઘટના બની હતી ત્યારબાદ ગુજરાત કોમી હિંસાની આગમાં લપેટાઈ ગયું હતું.
27 ફેબ્રુઆરી 2002 એટલે કે 23 વર્ષ પહેલા આજના દિવસે ગુજરાતના ગોધરા રેલ્વે સ્ટેશન પર એક દુ:ખદ ઘટના બની હતી.અહીં ટોળાએ સાબરમતી એક્સપ્રેસ ટ્રેનના S-6 કોચમાં આગ લગાવી દીધી.આ દુ:ખદ ઘટનામાં 59 લોકોના મોત થયા હતા.
આ ટ્રેન અયોધ્યાથી અમદાવાદ જઈ રહી હતી જેમાં હિન્દુ યાત્રાળુઓ સવારહતા.ગોધરા રેલ્વે સ્ટેશનથી સાબરમતી એક્સપ્રેસ રવાના થઈ.પછી કોઈએ સાંકળ ખેંચીને ટ્રેન રોકી દીધી.આ પછી પહેલા ટ્રેન પર પથ્થરમારો કરવામાં આવ્યો અને પછી એક ડબ્બામાં આગ લગાવવામાં આવી.આ કેસમાં 1,500 લોકો સામે FIR નોંધવામાં આવી હતી.ટ્રેન સળગાવવાના કેસમાં ધરપકડ કરાયેલા લોકો પર POTA લાદવામાં આવ્યો હતો.
– કોમી રમખાણો ફાટી નીકળ્યા હતા
આ ગોધરા ઘટના પછી સમગ્ર ગુજરાત રાજ્યમાં ભયંકર કોમી રમખાણો ફાટી નીકળ્યા.આ રમખાણોમાં એક હજારથી વધુ લોકોએ જીવ ગુમાવ્યા.મીડિયા રિપોર્ટ્સ અનુસાર માર્યા ગયેલા લોકોમાં 254 હિન્દુ અને 790 મુસ્લિમ સમુદાયના હતા.તે જ સમયે અમદાવાદની ગુલબર્ગ હાઉસિંગ સોસાયટીમાં એક બેકાબૂ ટોળાએ 69 લોકોની હત્યા કરી હતી.ગુજરાત લગભગ 3 મહિના સુધી કોમી હિંસાની આગમાં સળગતું રહ્યું.રમખાણો એટલા ભયંકર હતા કે કાયદો અને વ્યવસ્થા જાળવવા માટે સેના બોલાવવી પડી.
-દોષિતોને આજીવન કેદની સજા
લગભગ 9 વર્ષ પછી ગોધરા ઘટના સંબંધિત કેસમાં 31 લોકોને દોષિત ઠેરવવામાં આવ્યા અને 63 અન્ય લોકોને નિર્દોષ જાહેર કરવામાં આવ્યા.2011 માં SIT કોર્ટે 20 લોકોને આજીવન કેદ અને 11 લોકોને મૃત્યુદંડની સજા ફટકારી હતી.ઓક્ટોબર 2017માં ગુજરાત હાઈકોર્ટે 11 લોકોની મૃત્યુદંડની સજાને આજીવન કેદમાં રૂપાંતરિત કરી.બધા જેલના સળિયા પાછળ પોતાની સજા કાપી રહ્યા છે.
-પીએમ મોદીને ક્લીનચીટ મળી
2002 માં ગોધરાકાંડ અને ગુજરાત રમખાણો સમયે નરેન્દ્ર મોદી ગુજરાતના મુખ્યમંત્રી હતા.તેમણે ગોધરા ઘટનાની તપાસ માટે માર્ચ 2002માં નાણાવટી-શાહ કમિશનની રચના કરી.સુપ્રીમ કોર્ટના નિવૃત્ત ન્યાયાધીશ જી.ટી.નાણાવટી અને હાઇકોર્ટના નિવૃત્ત ન્યાયાધીશ કેજી શાહ તેના સભ્ય બન્યા.તેથી તેનું નામ નાણાવટી-શાહ કમિશન રાખવામાં આવ્યું.
આ કમિશને 2008ના સપ્ટેમ્બર મહિનામાં પોતાના અહેવાલનો પહેલો ભાગ રજૂ કર્યો હતો અને ગોધરા ઘટનાને એક સુનિયોજિત કાવતરું ગણાવ્યું હતું. કમિશને તત્કાલીન મુખ્યમંત્રી નરેન્દ્ર મોદી તેમના મંત્રીઓ અને વરિષ્ઠ અધિકારીઓને ક્લીનચીટ આપી હતી.
હવે પછીના વર્ષે એટલે કે 2009 માં જસ્ટિસ કેજી શાહનું અવસાન થયું. તેમના સ્થાને નિવૃત્ત હાઇકોર્ટના ન્યાયાધીશ જસ્ટિસ અક્ષય મહેતા કમિશનના સભ્ય બન્યા.હવે તેનું નામ નાનાવી-મહેતા કમિશન થઈ ગયું.આ કમિશને ડિસેમ્બર 2019 માં તેના અહેવાલનો બીજો ભાગ રજૂ કર્યો.આમાં પણ પહેલાની વાતની પુષ્ટિ થઈ.
– ઘટના આધારિત ફિલ્મ ‘ધ સાબરમતી રિપોર્ટ’
આ ફિલ્મની વાર્તા 2002માં ગુજરાતના ગોધરામાં થયેલી આગની ઘટના અને ત્યારબાદ થયેલા ગુજરાત રમખાણો પર આધારિત છે.આ ફિલ્મમાં વિક્રાંત મેસી ઉપરાંત રાશિ ખન્ના અને રિદ્ધિ ડોગરા પણ છેઆ ફિલ્મનું દિગ્દર્શન ધીરજ સરનાએ કર્યું છે.તેનું નિર્માણ શોભા કપૂર, એકતા કપૂર,અમૂલ વી મોહન અને અંશુલ મોહન દ્વારા કરવામાં આવ્યું છે. ‘ધ સાબરમતી રિપોર્ટ’ 15 નવેમ્બર 2024ના રોજ સિનેમાઘરોમાં રિલીઝ થઈ છે.
