હેડલાઈન :
- બાર્બાડોસે PM મોદીને તેના સર્વોચ્ચ રાષ્ટ્રીય પુરસ્કારથી સન્માનિત કર્યા
- કોવિડ-19 રોગચાળા સમયે વ્યૂહાત્મક નેતૃત્વ-મૂલ્યવાન સહાય માટે સન્માન
- સર્વોચ્ચ રાષ્ટ્રીય પુરસ્કાર ‘માનદ ઓર્ડર ઓફ ફ્રીડમ ઓફ બાર્બાડોસ’થી સન્માન
- ભારતના વિદેશ રાજ્યમંત્રી પાબિત્રા માર્ગેરિટાએ PM મોદી વતી એવોર્ડ સ્વીકાર્યો
- બાર્બાડોસ PM મિયા અમોર મોટલીએ 20 નવેમ્બર 2024ના રોજ કરી હતી જાહેરાત
કેરેબિયન દેશ બાર્બાડોસે કોવિડ-19 રોગચાળા દરમિયાન વ્યૂહાત્મક નેતૃત્વ અને મૂલ્યવાન સહાય માટે ભારતના વડાપ્રધાન નરેન્દ્ર મોદીને તેમના સર્વોચ્ચ રાષ્ટ્રીય પુરસ્કાર ‘માનદ ઓર્ડર ઓફ ફ્રીડમ ઓફ બાર્બાડોસ’ થી સન્માનિત કર્યા છે વિદેશ મંત્રાલયે એક નિવેદનમાં આ માહિતી આપી.તેમાં કહેવામાં આવ્યું છે કે ભારતના વિદેશ રાજ્યમંત્રી પાબિત્રા માર્ગેરિટાએ બાર્બાડોસના બ્રિજટાઉનમાં આયોજિત એક સમારોહમાં વડાપ્રધાન નરેન્દ્ર મોદી વતી આ એવોર્ડ સ્વીકાર્યો હતો.
બાર્બાડોસના વડાપ્રધાન મિયા અમોર મોટલી અને PM મોદી 20 નવેમ્બર 2024ના રોજ ગયાનાના જ્યોર્જટાઉનમાં દ્વિતિય ભારત-કેરિકોમ સમિટ દરમિયાન મળ્યા હતા.ત્યારે બાર્બાડોસના વડાપ્રધાન મોટલીએ કોવિડ-19 રોગચાળાની મુશ્કેલ પરિસ્થિતિમાં આંતરરાષ્ટ્રીય સહયોગ અને સમર્થનને મજબૂત બનાવવામાં તેમની મહત્વપૂર્ણ ભૂમિકાની પ્રશંસા કરીને,વડાપ્રધાન મોદીને માનદ ઓર્ડર ઓફ ફ્રીડમ ઓફ બાર્બાડોસ આપવાની જાહેરાત કરી હતી.
આ સન્માન બદલ કૃતજ્ઞતા વ્યક્ત કરતાં વિદેશ રાજ્યમંત્રી માર્ગેરિટાએ કહ્યું કે વડાપ્રધાન મોદીનું પ્રતિનિધિત્વ કરવું અને તેમના વતી આ પ્રતિષ્ઠિત પુરસ્કાર સ્વીકારવો એ તેમના માટે ખૂબ જ સન્માનની વાત છે.આ સન્માન ભારત અને બાર્બાડોસ વચ્ચેના વધતા સંબંધોને રેખાંકિત કરે છે અને ખાસ કરીને કટોકટીના સમયમાં સહકાર અને વિકાસ પ્રત્યેની આપણી સહિયારી પ્રતિબદ્ધતાને પ્રતિબિંબિત કરે છે.
આ 1966માં રાજદ્વારી સંબંધોની સ્થાપના થઈ ત્યારથી ભારત અને બાર્બાડોસે સતત જોડાણ અને વિકાસ પહેલ દ્વારા મજબૂત ભાગીદારીને પ્રોત્સાહન આપ્યું છે.આ એવોર્ડ બંને દેશો વચ્ચેની સ્થાયી મિત્રતાનું પ્રતીક છે.
