હેડલાઈન :

• નાગપુર હિંસાનો મુખ્ય સૂત્રધાર ફહીમ શમીમ ખાન ઝડપાયો
• ફહીમ શમીમ ખાન પર લોકોને એકત્ર કરી ઉશ્કેરવાનો આરોપ
• કોર્ટે ફહીમ ખાનને 21 માર્ચ સુધી પોલીસ કસ્ટડીમાં મોકલી દીધો
• શમીમ માઇનોરિટી ડેમોક્રેટિક પાર્ટીનો નાગપુર શહેર પ્રમુખ
• ફહીમ ખાને નીતિન ગડકરી સામે લોકસભા ચૂંટણી લડી હતી

સોમવારે મહારાષ્ટ્રના નાગપુરમાં ફાટી નીકળેલી હિંસાના મુખ્ય સૂત્રધાર ફહીમ શમીમ ખાનની ધરપકડ કરવામાં આવી છે.એવો આરોપ છે કે ફહીમે લોકોને ઉશ્કેર્યા હતા અને ભીડ એકઠી કરી હતી.કોર્ટે તેને 21 માર્ચ સુધી પોલીસ કસ્ટડીમાં મોકલી દીધો છે.પોલીસે દાવો કર્યો છે કે મુખ્ય આરોપી 38 વર્ષીય ફહીમ શમીમ ખાન આ રમખાણ ભડકાવવા માટે જવાબદાર છે.શમીમ માઇનોરિટી ડેમોક્રેટિક પાર્ટી MDP નો નાગપુર શહેર પ્રમુખ છે.

– નીતિન ગડકરી સામે લોકસભા ચૂંટણી લડી
ફહીમ ખાને 2024ની લોકસભા ચૂંટણીમાં કેન્દ્રીય મંત્રી નીતિન ગડકરી સામે ચૂંટણી લડી હતી.પોલીસ તપાસમાં એ પણ બહાર આવ્યું છે કે ફહીમે ભડકાઉ ભાષણો આપીને સમુદાયના લોકોને ઉશ્કેર્યા હતા,જેના પછી નાગપુરમાં હિંસા ફાટી નીકળી હતી.તેમનું નામ FIRમાં પણ નોંધાયેલું છે.મળતી માહિતી મુજબ ફહીમ ખાન નાગપુરના સંજય બાગ કોલોની યશોધરા નગરનો રહેવાસી છે.

– નાગપુર હિંસા એક પૂર્વ-આયોજિત કાવતરું
પોલીસ તપાસમાં જાણવા મળ્યું છે કે નાગપુર હિંસા એક પૂર્વ-આયોજિત કાવતરું હતું.ફહીમ ખાને કેટલાક કટ્ટરપંથી લોકોને ભેગા કર્યા અને આયોજનબદ્ધ રીતે રમખાણો ભડકાવવાનું કામ કર્યું.ઔરંગઝેબની કબરના વિવાદે સોમવારે હિંસક વળાંક લીધો હતો.મહારાષ્ટ્રના નાગપુરના મહલમાં સોમવારે રાત્રે બે જૂથો વચ્ચેના વિવાદ બાદ હિંસા ફાટી નીકળી હતી.મહલ પછી,મોડી રાત્રે હંસપુરીમાં હિંસા થઈ.અજાણ્યા લોકોએ દુકાનોમાં તોડફોડ કરી અને વાહનોને આગ ચાંપી દીધી.આ દરમિયાન ભારે પથ્થરમારો થયો.હિંસા બાદ ઘણા વિસ્તારોમાં કર્ફ્યુ લાદવામાં આવ્યો હતો.આ હિંસામાં ઘણા લોકો ઘાયલ થયા હતા.પોલીસે 60થી વધુ તોફાનીઓની અટકાયત પણ કરી હતી.