હેડલાઈન :
- જસ્ટિસ યશવંત વર્માના સરકારી બંગલામાંથી રોકડ કથિત વસૂલાત કેસ
- દિલ્હી HC જસ્ટિસ યશવંત વર્માના ‘કેશ એટ હોમ’ કેસની તપાસ થશે
- દિલ્હી હાઈકોર્ટના ન્યાયાધીશોની ત્રણ સભ્યોની પેનલ કરશે તપાસ
- ત્રણ સભ્યોની પેનલ કેસમાં એકત્રિત કરાયેલા પુરાવાઓની તપાસ કરશે
- સુપ્રીમ કાર્ટે બળી ગયેલ નોટોની તસવીર સહિત સમગ્ર મામલાને જાહેર કર્યો
- તપાસ પેનલ નોટો સળગાવવાના વીડિયોની સત્યતા અંગે પણ તપાસ કરશે
દિલ્હી હાઈકોર્ટના ન્યાયાધીશ જસ્ટિસ યશવંત વર્માના સરકારી બંગલામાંથી રોકડ રકમની કથિત વસૂલાતના કેસની તપાસ દિલ્હી હાઈકોર્ટના ન્યાયાધીશોની ત્રણ સભ્યોની પેનલ કરશે.આ પેનલ કેસમાં એકત્રિત કરાયેલા પુરાવાઓની તપાસ કરશે.
– નોટો સળગાવવાના વીડિયોની સત્યતા તપાસશે
ત્રણ સભ્યોની પેનલ 14 માર્ચે જસ્ટિસ વર્માના નિવાસસ્થાનના સ્ટોર રૂમમાં લાગેલી આગ અને તે રાત્રિની ઘટનાઓની તપાસ કરશે. તપાસ પેનલ નોટો સળગાવવાના વીડિયોની સત્યતા પણ તપાસશે. આ પેનલ તે જગ્યાની પણ ચકાસણી કરશે જ્યાં વીડિયોમાં નોટો સળગતી જોવા મળે છે. શું તે જગ્યા જસ્ટિસ વર્માના નિવાસસ્થાનના સ્ટોરરૂમ સાથે મેળ ખાય છે? આ ઉપરાંત, પેનલ તે રાત્રે તેમના નિવાસસ્થાને હાજર જસ્ટિસ વર્માના અંગત સ્ટાફ, સત્તાવાર સ્ટાફ અને સુરક્ષા સ્ટાફની પણ પૂછપરછ કરી શકે છે. આ કેસમાં વિરોધાભાસી નિવેદનોની પણ તપાસ કરવામાં આવશે.
– સુપ્રીમ કોર્ટે બળી ગયેલી નોટોની તસવીરો જાહેર કરી
સુપ્રીમ કોર્ટના મુખ્ય ન્યાયાધીશ સંજીવ ખન્નાએ ‘કેશ એટ હોમ’ કેસમાં દિલ્હી હાઈકોર્ટના ન્યાયાધીશ યશવંત વર્મા સામેના આરોપોની તપાસ માટે ત્રણ સભ્યોની સમિતિની રચના કરી હતી. આ મામલે સુપ્રીમ કોર્ટે બળી ગયેલી નોટોની તસવીરો અને સમગ્ર મામલાને જાહેર કર્યો હતો. ન્યાયાધીશના નિવાસસ્થાનમાંથી રોકડ રકમની વસૂલાત અંગે ફાયર સર્વિસના વડાએ વિરોધાભાસી નિવેદનો કેમ આપ્યા તેની પણ પેનલ તપાસ કરી શકે છે. આ ઉપરાંત, જસ્ટિસ વર્માના કોલ ડેટા રેકોર્ડનું વિશ્લેષણ કરવામાં આવશે.
