હેડલાઈન :
- ટ્રમ્પે પીએમ મોદીની પ્રશંસા કરી અને કહ્યું કે તેઓ ખૂબ જ સ્માર્ટ
- ભારત-અમેરિકા વચ્ચે ટેરિફ પર વાટાઘાટો વચ્ચે ટ્રંપે કર્યા વખાણ
- પત્રકારો સાથે વાત કરતા ટ્રમ્પે કહ્યું કે તેઓ મારા ખૂબ સારા મિત્ર
- અગાઉ પણ ટ્રમ્પે રૂબરૂ મુલાકાતમાં PM મોદીને મહાન કહ્યા હતા
- PM નરેન્દ્ર મોદીએ પણ અમેરિકન રાષ્ટ્રપતિની પ્રશંસા કરી હતી
ભારત અને અમેરિકા વચ્ચે ટેરિફ પર ચાલી રહેલી વાટાઘાટો વચ્ચે યુએસ રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીની પ્રશંસા કરી છે.વ્હાઇટ હાઉસ ખાતે પત્રકારો સાથે વાત કરતા ટ્રમ્પે કહ્યું કે તેઓ મારા ખૂબ સારા મિત્ર છે. મને આશા છે કે ટેરિફ વાટાઘાટો સફળ થશે. નોંધનીય છે કે આ પહેલી વાર નથી જ્યારે અમેરિકન રાષ્ટ્રપતિએ વડા પ્રધાન નરેન્દ્ર મોદીની પ્રશંસા કરી હોય.તેઓ પહેલા પણ આ કરતા આવ્યા છે.તાજેતરમાં વડાપ્રધાન મોદીની અમેરિકા મુલાકાત દરમિયાન તેમણે વડાપ્રધાન મોદીને એક મહાન નેતા અને પોતાના કરતા વધુ સારા વાટાઘાટકાર તરીકે પણ વર્ણવ્યા હતા.
– ટેરિફ ચર્ચા વચ્ચે ટ્રમ્પે પીએમ મોદીને સ્માર્ટ ગણાવ્યા
ભારત-અમેરિકા ટેરિફ વાટાઘાટો વચ્ચે યુએસ રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીની પ્રશંસા કરી છે. વડાપ્રધાન મોદીની તાજેતરની અમેરિકા મુલાકાતનો ઉલ્લેખ કરતા તેમણે કહ્યું કે પીએમ મોદી તાજેતરમાં અહીં આવ્યા હતા.અમારી વચ્ચે ખૂબ સારી વાતચીત થઈ.અમે હંમેશા ખૂબ સારા મિત્રો રહ્યા છીએ.વ્હાઇટ હાઉસ ખાતે પત્રકારો સાથે વાત કરતા ટ્રમ્પે વધુમાં કહ્યું કે ભારત વિશ્વમાં સૌથી વધુ ટેરિફ લાદતા દેશોમાંનો એક છે.તેઓ ખૂબ જ બુદ્ધિશાળી છે અને મારા ખૂબ સારા મિત્ર છે.મને લાગે છે કે ભારત અને આપણા દેશ વચ્ચે બધું ખૂબ સારું રહેશે.હું કહેવા માંગુ છું કે તમારી પાસે એક અદ્ભુત વડા પ્રધાન છે.
– પીએમ મોદીએ – પોડકાસ્ટમાં ટ્રમ્પની પ્રશંસા કરી હતી
તાજેતરમાં લોકપ્રિય અમેરિકન પોડકાસ્ટર લેક્સ ફ્રિડમેન સાથે વાત કરતી વખતે વડા પ્રધાન નરેન્દ્ર મોદીએ અમેરિકન રાષ્ટ્રપતિની પ્રશંસા કરી હતી.પોડકાસ્ટમાં પીએમ મોદીએ ટ્રમ્પને પોતાના મિત્ર ગણાવ્યા હતા અને તેમને એક હિંમતવાન વ્યક્તિત્વ ગણાવ્યા હતા.પીએમ મોદીએ કહ્યું હતું કે તેમનું અને ટ્રમ્પનું બંધન ખૂબ જ સારું છે કારણ કે બંને પોતપોતાના દેશોને પ્રથમ રાખે છે.મોદીએ કહ્યું હતું કે તેમની અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે પરસ્પર વિશ્વાસનો સંબંધ છે.તેઓ એકબીજા સાથે વધુ સારા સંપર્કમાં છે કારણ કે તેઓ પોતાના રાષ્ટ્રીય હિતોને બીજા બધાથી ઉપર રાખવામાં માને છે. અમેરિકાના રાષ્ટ્રપતિ ડોનાલ્ડ ટ્રમ્પે પણ તેમના સોશિયલ મીડિયા પ્લેટફોર્મ ટ્રુથ સોશિયલ પર વડા પ્રધાન નરેન્દ્ર મોદીનો પોડકાસ્ટ શેર કર્યો હતો.
