હેડલાઈન :
- થાઈલેન્ડના PM પટોંગટાર્ન શિનાવાત્રાના આમંત્રણ પર PM મોદી થાઇલેન્ડ જવા રવાના
- વડાપ્રધાન નરેન્દ્ર મોદી થાઇલેન્ડ બેંગકોકમાં BIMSTEC સમિટમાં હાજરી આપશે
- વડાપ્રધાન નરેન્દ્ર મોદીએ બેંગકોક મુલાકાતે જતા પહેલા જારી કર્યુ એક નિવેદન
- “હું થાઇલેન્ડની સત્તાવાર મુલાકાતે જઈ છઠ્ઠા BIMSTEC સમિટમાં હાજરી આપીશ
- હું 04 થી 06 એપ્રિલ દરમિયાન શ્રીલંકાની બે દિવસીય મુલાકાત પર હોઈશ : PM મોદી
વડાપ્રધાન નરેન્દ્ર મોદીએ બેંગકોક જતા પહેલા જારી કરેલા એક નિવેદનમાં જણાવ્યું હતું કે,”હું આજે થાઇલેન્ડની સત્તાવાર મુલાકાતે જઈ રહ્યો છું અને છઠ્ઠા BIMSTEC સમિટમાં હાજરી આપીશ. છેલ્લા દાયકામાં, BIMSTEC બંગાળની ખાડી ક્ષેત્રમાં પ્રાદેશિક વિકાસ, જોડાણ અને આર્થિક પ્રગતિને પ્રોત્સાહન આપવા માટે એક મહત્વપૂર્ણ પ્લેટફોર્મ તરીકે ઉભરી આવ્યું છે.
પીએમ મોદી બેંગકોકમાં BIMSTEC સમિટમાં હાજરી આપશે
વડાપ્રધાન નરેન્દ્ર મોદી આજે સવારે થાઇલેન્ડની રાજધાની બેંગકોક જવા રવાના થયા.તેઓ બેંગકોકમાં હોટેલ શાંગરી-લા ખાતે આયોજિત BIMSTEC એટલે કે બે ઓફ બંગાળ ઇનિશિયેટિવ ફોર મલ્ટી-સેક્ટરલ ટેકનિકલ એન્ડ ઇકોનોમિક કોઓપરેશન સમિટમાં હાજરી આપશે.આ વર્ષે આ પરિષદ થાઇલેન્ડ દ્વારા યોજાઈ રહી છે.
બેંગકોક જતા પહેલા જારી કરાયેલા એક નિવેદનમાં વડાપ્રધાન મોદીએ કહ્યું,”હું આજે થાઇલેન્ડની સત્તાવાર મુલાકાતે જઈ રહ્યો છું અને છઠ્ઠી BIMSTEC સમિટમાં હાજરી આપીશ.છેલ્લા દાયકામાં, BIMSTEC બંગાળની ખાડી ક્ષેત્રમાં પ્રાદેશિક વિકાસ, જોડાણ અને આર્થિક પ્રગતિને પ્રોત્સાહન આપવા માટે એક મહત્વપૂર્ણ પ્લેટફોર્મ તરીકે ઉભરી આવ્યું છે.તેના ભૌગોલિક સ્થાન સાથે, ભારતનો ઉત્તરપૂર્વીય ક્ષેત્ર BIMSTECના કેન્દ્રમાં છે.હું BIMSTEC દેશોના નેતાઓને મળવા અને દેશના લોકોના હિતોને ધ્યાનમાં રાખીને સહયોગને વધુ મજબૂત બનાવવા માટે આતુર છું.”
– આધ્યાત્મિક વિચારસરણીનો મજબૂત પાયો
તેમણે કહ્યું,”મારી સત્તાવાર મુલાકાત દરમિયાન મને થાઈલેન્ડના વડાપ્રધાન પટોંગટાર્ન શિનાવાત્રા અને થાઈ નેતૃત્વ સાથે આપણા સદીઓ જૂના ઐતિહાસિક સંબંધોને વધારવાની આપણી સહિયારી ઇચ્છા પર વાતચીત કરવાની તક મળશે જે સહિયારી સંસ્કૃતિ,ફિલસૂફી અને આધ્યાત્મિક વિચારોના મજબૂત પાયા પર આધારિત છે.થાઈલેન્ડથી હું 04 થી 06 એપ્રિલ દરમિયાન શ્રીલંકાની બે દિવસીય મુલાકાત પર હોઈશ.ગયા ડિસેમ્બરમાં રાષ્ટ્રપતિ દિસાનાયકની ભારતની અત્યંત સફળ મુલાકાત પછી આ મુલાકાત થઈ રહી છે.
વડાપ્રધાન મોદીએ કહ્યું કે આપણને “સહભાગી ભવિષ્ય માટે ભાગીદારીને પ્રોત્સાહન” ના આપણા સંયુક્ત વિઝન પર થયેલી પ્રગતિની સમીક્ષા કરવાની અને આપણા સહભાગી ઉદ્દેશ્યોને સાકાર કરવા માટે વધુ માર્ગદર્શન આપવાની તક મળશે.મને વિશ્વાસ છે કે આ મુલાકાતો ભૂતકાળના પાયા પર નિર્માણ કરશે અને આપણા લોકો અને વ્યાપક પ્રદેશના લાભ માટે આપણા ગાઢ સંબંધોને મજબૂત બનાવવામાં ફાળો આપશે.
– થાઇલેન્ડના સરકારી ગૃહમાં સ્વાગત કરવામાં આવશે
થાઇલેન્ડના અખબાર ધ નેશનના સમાચાર અનુસાર, વડાપ્રધાન કાર્યાલયના પ્રવક્તા જીરાયુ હુઆંગસાપે જણાવ્યું હતું કે ભારતીય વડાપ્રધાન મોદી થાઇલેન્ડના વડાપ્રધાન પટોંગટાર્ન શિનાવાત્રાના આમંત્રણ પર 3 અને 4 એપ્રિલ દરમિયાન થાઇલેન્ડની સત્તાવાર મુલાકાતે આવી રહ્યા છે.પ્રધાનમંત્રી પટોંગટાર્ન ૩ એપ્રિલના રોજ ગવર્નમેન્ટ હાઉસ ખાતે તેમના ભારતીય સમકક્ષનું સત્તાવાર સ્વાગત કરશે.આ પછી બંને નેતાઓ પ્રતિનિધિમંડળ સાથેની બેઠકમાં ચર્ચા કરશે.આ પછી એમઓયુ પર હસ્તાક્ષર કરવામાં આવશે.આ પ્રસંગે એક સંયુક્ત પત્રકાર પરિષદ યોજાશે.બપોરે લગભગ 1 વાગ્યે થાઇલેન્ડના પ્રધાનમંત્રી ભારતીય પ્રધાનમંત્રીના માનમાં લંચનું આયોજન કરશે.
સૌજન્ય : હિન્દુસ્તાન સમાચાર
