સરહદ પર સેના અને ઘુસણખોરી કરવા પ્રયાસ કરતા આતંકીઓ વચ્ચે અવાર નવાર અથડામણ સર્જાતી હોય છે.ત્યારે બોર્ડર સિક્યોરિટી ફોર્સ એટલે BSFના જવાનોએ જમ્મુ અને કાશ્મીરના સાંબા જિલ્લામાં આંતરરાષ્ટ્રીય સરહદે એક પાકિસ્તાની ઘૂસણખોરને ઠાર માર્યો હતો. BSF દ્વારા જણાવવામાં આવ્યું છે કે એલર્ટ સીમા રક્ષકોએ સોમવારે મોડી રાત્રે રામગઢ સેક્ટરમાં એસએમ પુરા ચોકી પાસે શંકાસ્પદ ગતિવિધિ જોઈ હતી.જ્યારે શંકાસ્પદ ઘૂસણખોરીએ વારંવારની ચેતવણીઓ પર ધ્યાન ન આપ્યું, ત્યારે તેઓએ ગોળીબાર કર્યો. ફાયરિંગમાં એક પાકિસ્તાની ઘૂસણખોર માર્યો ગયો. વિસ્તારની તલાશી બાદ માદક દ્રવ્યોના કેટલાય પેકેટ પણ મળી આવ્યા છે.
