હરિયાણાની પ્રતિષ્ઠિત,પ્રાચીન અને સૌથી મોટી કુરૂક્ષેત્ર યુનિવર્સિટીએ ગુજરાતના રાજ્યપાલ આચાર્ય દેવવ્રતજીને પ્રાકૃતિક કૃષિ,ગોપાલન,ગૌ નસ્લ સુધાર,પ્રાકૃતિક અને યૌગિક ચિકિત્સા,સામાજિક સમરસતા,વૃક્ષારોપણ,જળ સંરક્ષણ અને દેશ સેવામાં અનન્ય યોગદાન બદલ ડૉક્ટર ઑફ લિટરેચરની માનદ્ ઉપાધિથી સન્માનિત કર્યા હતા.કુરુક્ષેત્ર વિશ્વવિદ્યાલયના 33મા દીક્ષાંત સમારોહમાં ભારતના પૂર્વ રાષ્ટ્રપતિ રામનાથ કોવિંદ દ્વારા આચાર્ય દેવવ્રતજીને ડૉક્ટર ઑફ લિટરેચરની માનદ ઉપાધિ પ્રદાન કરવામાં આવી હતી.રાજ્યપાલ આચાર્ય દેવવ્રતજીએ ડૉક્ટર ઑફ લિટરેચરની માનદ ઉપાધિનો સ્વીકાર કરતાં કહ્યું કે,જે પ્રતિષ્ઠિત શિક્ષણ સંસ્થાનનો હું વિદ્યાર્થી રહ્યો છું એ સંસ્થાન આજે ડૉક્ટર ઑફ લિટરેચરની માનદ્ ઉપાધિથી મને સન્માનિત કરે છે એ માટે હું કુરુક્ષેત્ર વિશ્વવિદ્યાલય પ્રતિ નમ્રતાપૂર્વક આભારની લાગણી પ્રદર્શિત કરું છું.
હું વિદ્યાર્થી રહ્યો એ વિશ્વવિદ્યાલયે ડૉક્ટર ઑફ લિટરેચરની પદવીથી સન્માન કર્યું તે માટે સવિનય આભાર : આચાર્ય દેવવ્રતજી
