ભારતના મૂન મિશન ચંદ્રયાન-3ને લઈને ઈસરોના પૂર્વ ડિરેક્ટર કે સિવનનું નિવેદન સામે આવ્યું છે.તેમણે ચંદ્રયાન 3 ની સફળ યાત્રાની પાછળ ચંદ્રયાન 2માંથી શીખવેલો પાઠ ગણાવ્યો છે.તેમણે જણાવ્યું કે,છેલ્લી વખત અમે લેન્ડિંગ પ્રક્રિયા પછીનો ડેટા જોયો હતો.તેના આધારે સુધારાત્મક પગલાં લેવામાં આવ્યા છે.એટલું જ નહીં, અમે જે સુધારો કર્યો હતો તેના કરતાં અમે વધુ કર્યું.જ્યાં પણ માર્જિન ઓછું છે,અમે તે માર્જિન વધાર્યા.ચંદ્રયાન-2માંથી આપણે જે પાઠ શીખ્યા તેના આધારે, સિસ્ટમ વધુ મજબૂતાઈ સાથે આગળ વધી રહી છે.તેમણે વધુમાં કહ્યુ કે સ્પેસક્રાફ્ટ ખૂબ જ સારી રીતે કામ કરી રહ્યું છે.મિશનની સફળતા માટે અમે જે બદલાવ કર્યા છે,તે ઘણા લાભદાયક છે.ઈન્ડિયન સ્પેસ રિસર્ચ ઓર્ગેનાઈઝેશન ઈસરોનું ચંદ્રયાન-3 બુધવાર 23 ઓગસ્ટના રોજ ચંદ્ર પર લેન્ડ થવાનું છે જે સાંજે 6.04 કલાકે ઉતરશે જેને લઈને સમગ્ર વિશ્વની નજર તેના પર ટકેલી છે.
છેલ્લી વખત અમે લેન્ડિંગ પ્રક્રિયા પછીનો ડેટા જોયો હતો.તેના આધારે સુધારાત્મક પગલાં લેવામાં આવ્યા : ઈસરોના પૂર્વ ડિરેક્ટર કે સિવન
