G20 વેપાર અને રોકાણ મંત્રાલયની G20 બેઠકને વડાપ્રધાન નરેન્દ્ર મોદીએ સંબોધન કર્યુ હતુ.જેમાં વડાપ્રધાન મોદીએ જણાવ્યુ કે આ પ્રદેશ તેના ગતિશીલ અને સાહસિક લોકો માટે જાણીતો છે.સમગ્ર ઇતિહાસમાં,વેપારે વિચારો,સંસ્કૃતિઓ અને તકનીકોના વિનિમયને પ્રોત્સાહન આપ્યું છે.તે લોકોને નજીક લાવ્યા છે.વેપાર અને વૈશ્વિકરણે લાખો લોકોને ગરીબીમાંથી બહાર કાઢ્યા છે.અમે ભારતીય અર્થતંત્રમાં વૈશ્વિક આશાવાદ અને વિશ્વાસ જોઈ રહ્યા છીએ.
ભારતને નિખાલસતા,તકો અને વિકલ્પોના સંયોજન તરીકે જોવામાં આવે છે.છેલ્લા 9 વર્ષો દરમિયાન,ભારત પાંચમી સૌથી મોટી અર્થવ્યવસ્થા બની ગયું છે જે અમારા સતત પ્રયાસોનું પરિણામ છે.અમે નીતિમાં સ્થિરતા લાવી છે.અમે આગામી થોડા વર્ષોમાં ભારતને ત્રીજી સૌથી મોટી અર્થવ્યવસ્થા બનાવવા માટે સંકલ્પબદ્ધ છીએ.
વડાપ્રધાને જણાવ્યુ કે રોગચાળાથી માંડીને ભૌગોલિક રાજકીય તણાવ સુધીના વર્તમાન વૈશ્વિક પડકારોએ વિશ્વ અર્થતંત્રની કસોટી કરી છે.
G20માં આંતરરાષ્ટ્રીય વેપાર અને રોકાણમાં વિશ્વાસ કેળવવાની અમારી જવાબદારી છે.આપણે સ્થિતિસ્થાપક અને સમાવિષ્ટ વૈશ્વિક મૂલ્ય શૃંખલાઓ બનાવવી જોઈએ જે ભવિષ્યના આંચકાઓનો સામનો કરી શકે.
વડાપ્રધાન મોદીએ વધુમાં અમેર્યુ કે MSME નો હિસ્સો 60 થી 70 ટકા રોજગાર અને વૈશ્વિક GDPમાં 50 ટકા છે.તેમને અમારા સતત સમર્થનની જરૂર છે. તેમનું સશક્તિકરણ સામાજિક સશક્તિકરણમાં અનુવાદ કરે છે.અમારા માટે MSME એટલે સૂક્ષ્મ,લઘુ અને મધ્યમ ઉદ્યોગોને મહત્તમ સમર્થન છે.
