ભારતીય ગોલ્ડન બોય તરીકે ઓળખાતા થ્રોઅર નીરજ ચોપરાએ વધુ એક ઈતિહાસ રચ્યો છે. તેમણે વર્લ્ડ એથ્લેટિક્સ ચેમ્પિયનશિપ 2023માં સુવર્ણ ચંદ્રક જીત્યો છે.નીરજ ચોપરાએ પહેલો થ્રો ફાઉલ કર્યો,પરંતુ બીજા થ્રોમાં તેમણે 88.17 મીટર દૂર ભાલો ફેંકીને ગોલ્ડ મેડલ જીતી લીધો.
ઉલ્લ્ખનિય છે કે આ ચેમ્પિયનશિપમાં પાકિસ્તાનના અરશદ નદીમ બીજા નંબર પર રહ્યા. તેમણે ત્રીજા થ્રોમાં બ્રેસ્ટ થ્રો કર્યો હતો.વર્લ્ડ એથ્લેટિક્સ ચેમ્પિયનશિપની ટ્રેક એન્ડ ફિલ્ડ કેટેગરીમાં ભારત માટે આ પહેલો ગોલ્ડ છે.નીરજ ચોપરા આ કેટેગરીમાં ગોલ્ડ જીતનાર પ્રથમ ભારતીય બન્યા છે.આ પહેલા અંજુ બોબી જ્યોર્જે 2003માં લોન્ગ જમ્પમાં બ્રોન્ઝ મેડલ જીત્યો હતો. જ્યારે નીરજ ચોપરાએ 2022ની ચેમ્પિયનશિપમાં સિલ્વર મેડલ જીત્યો હતો.આ સાથે જ નીરજ ચોપરા પેરિસ ઓલિમ્પિક 2024 માટે પણ ક્વોલિફાય થયા છે.આ સિદ્ધી બદલ દેશના મહાનુભાવો અને લોકોએ નીરજને અભિનંદન પાઠવ્યા છે.
આ પહેલા વર્લ્ડ ચેમ્પિયનશિપ 2023માં અમેરિકામાં યોજાઈ જેમાં નીરજ ચોપરાએ સિલ્વર મેડલ જીત્યો હતો અને તેઓ આ વખતે અહીં ગોલ્ડના દાવેદારોમાંથી એક હતા.તેમણે દમદાર પ્રદર્શન કર્યું અને આ વખતે ગોલ્ડ મેડલ જીત્યો.આ સાથે નીરજ ચોપરાએ ઓલિમ્પિક અને વર્લ્ડ એથ્લેટિક્સ ચેમ્પિયનશિપ બંનેમાં ગોલ્ડ જીતનાર ભારતીય દિગ્ગજ શૂટર અભિનવ બિન્દ્રાના ઐતિહાસિક રેકોર્ડની બરાબરી કરી છે.
