કેન્દ્રિય ગૃહ પ્રધાન અમિત શાહ આજે શુક્રવારે નવી દિલ્હીમાં ‘મેરી માટી-મેરા દેશ’ અભિયાન હેઠળ ‘અમૃત કલશ યાત્રા’ ની શરૂઆત કરશે.તે આજે બપોરે 2 વાગ્યે રંગ ભવન એટલે આકાશવાણી ભવન ખાતે તેનું પ્રસ્થાન કરશે.
આ અભિયાનની જાહેરાત વડાપ્રધાન નરેન્દ્ર મોદી દ્વારા કરવામાં આવી હતી,”રાષ્ટ્રની સિદ્ધિઓ અને તેના બહાદુર હૃદય”ની ઉજવણી કરવા માટે 2 ઓગસ્ટના રોજ મન કી બાતમાં તેમના સંબોધનમાં વડાપ્રધાન મોદીએ માહિતી આપી હતી કે, આપણા શહીદ વીર પુરુષો અને મહિલાઓના સન્માન માટે ‘મેરી માટી મેરા દેશ’ અભિયાન શરૂ કરવામાં આવશે.”આ અંતર્ગત આપણા અમર શહીદોની યાદમાં દેશભરમાં અનેક કાર્યક્રમોનું આયોજન કરવામાં આવશે.આ દિગ્ગજોની યાદમાં દેશની લાખો ગ્રામ પંચાયતોમાં વિશેષ શિલાલેખો પણ સ્થાપિત કરવામાં આવશે.આ અભિયાન અંતર્ગત ‘અમૃત કલશ યાત્રા’ દેશભરમાં પણ આયોજન કરવામાં આવશે.
