આગામી 7 દિવસ રાજ્યમાં વરસાદની હવામાન વિભાગની આગાહી,ખેડૂતોને નવી આશા બંધાઈ

રાજ્યમાં લાંબા સમયથી મેઘરાજાએ જાણે કે રીસામણા કર્યા છે.અને ઘણા સમયથી વરસાદના વાવળ નથી.ત્યારે હવે હવામાન વિભાગે આગાહી કરી છે કે આગામી 7 દિવસ સુધી રાજ્યમાં વરસાદી માહોલ રહેશે.હવામાન વિભાગ અનુસાર કેટલાક ભાગોમાં ગાજવીજ સાથે હળવાથી મધ્યમ વરસાદ પડી શકે છે.તો 8 સપ્ટેમ્બરના રોજ દક્ષિણ ગુજરાતમાં ભારે વરસાદ થવાની પણ આગાહી છે.તો વળી ઉત્તર ગુજરાતમાં આવતી કાલે 7 સપ્ટેમ્બરથી વરસાદની ગતિ વધશે તેવી પણ વકી છે.સાથે જ 8 સપ્ટેમ્બરના રોજ અમદાવામાં પણ વરસાદ થઈ શકે છે.આમ લાંબા સમયથી રાહ જોતા ધરતીપુત્રો માટે નવી આશા બંધાઈ છે.કારણ કે ચોમાસુ પાક વરસાદ વિના મુરઝાઈ રહ્યો છે.