G 20 દેશોની બેઠક આવતી કાલથી રાજધાની દિલ્હી ખાતે શરૂ થઈ રહી છે.આ દરમિયાન વડાપ્રધાન નરેન્દ્ર મોદી વિવિધ દેશના વડા સાથે બેઠકોનો દોર યોજી શકે છે.
મળી રહેલી માહિતી મુજબ વડાપ્રધાન નરેન્દ્ર મોદી વિશ્વના નેતાઓ સાથે 15 થી વધુ દ્વિપક્ષીય બેઠકો કરશે.8 સપ્ટેમ્બરે વડાપ્રધાન નરેન્દ્ર મોદી મોરેશિયસ,બાંગ્લાદેશ અને અમેરિકાના નેતાઓ સાથે દ્વિપક્ષીય બેઠક કરશે.તેઓ 9 સપ્ટેમ્બરે G 20 બેઠકો ઉપરાંત વડાપ્રધાન મોદી યુકે,જાપાન,જર્મની અને ઇટાલી સાથે દ્વિપક્ષીય બેઠક કરશે અને 10 સપ્ટેમ્બરે,વડાપ્રધાન મોદી ફ્રાન્સના રાષ્ટ્રપતિ ઇમેન્યુઅલ મેક્રોન સાથે વર્કિંગ લંચ મીટિંગ કરશે.તેઓ કેનેડા સાથે અલગ બેઠક કરશે અને કોમોરોસ,તુર્કી,UAE,દક્ષિણ કોરિયા,EU-EC,બ્રાઝિલ અને નાઇજીરીયા સાથે દ્વિપક્ષીય બેઠક કરશે.
G-20 સમિટ આજથી ભારતમાં શરૂ થવા જઈ રહ્યું છે.ભારત વિશ્વને આવકારવા માટે તૈયાર છે. 9 અને 10 સપ્ટેમ્બરે સમિટનું આયોજન કરવામાં આવી રહ્યું છે,પરંતુ મહેમાનો આવવાનું શરૂ થઈ ગયું છે.
આ ઉપરાંત આજે પીએમ નરેન્દ્ર મોદી સાથે કેટલીક દ્વિપક્ષી બેઠકો પણ યોજાવાની છે.અમેરિકી રાષ્ટ્રપતિ જો બિડેન,યુકેના પીએમ ઋષિ સુનક અને અન્ય ઘણા નેતાઓ આગામી 24 કલાકમાં આવવાના છે.
આ તમામ નેતાઓ દિલ્હીના ઈન્દિરા ગાંધી ઈન્ટરનેશનલ એરપોર્ટ પર ઉતરશે.આ સિવાય કેટલાક પ્રતિનિધિઓ ગાઝિયાબાદના હિંડન એરબેઝ પર પણ ઉતરાણ કરવાના છે.ત્યાંથી તેઓ દિલ્હી-મેરઠ એક્સપ્રેસ વે થઈને ભારત મંડપમ ખાતે સ્થળ પર પહોંચશે.
દરમિયાન,દિલ્હી પોલીસે કેટલાક નિયંત્રણો લાદી દીધા છે.દિલ્હીના પ્રગતિ મેદાન,સુપ્રીમ કોર્ટ અને ITO જતા પહેલા પોલીસ એડવાઈઝરી વાંચવી યોગ્ય રહેશે.જો કે,મોટાભાગના પ્રતિબંધો NDMC એટલે કે માત્ર નવી દિલ્હી વિસ્તારમાં જ છે.બાકી દિલ્હીમાં કોઈ પ્રતિબંધ રહેશે નહીં.
નવી દિલ્હી વિસ્તારમાં ત્રણ દિવસ સુધી સામાન્ય લોકો અને પ્રવાસીઓની અવરજવર બંધ રહેશે. કેટલાક મેટ્રો સ્ટેશન પણ અલગ-અલગ સમયે બંધ રહેશે. માત્ર ઈમરજન્સી સેવાઓને જ મંજૂરી આપવામાં આવશે.
વિદેશી મહેમાનોના સ્વાગત માટે દિલ્હીમાં ખાસ તૈયારીઓ કરવામાં આવી છે.ભારતની સંસ્કૃતિ દર્શાવતી પ્રતિમાઓ અને પ્રતીકો ઘણી જગ્યાએ સ્થાપિત કરવામાં આવી છે.G-20 સમિટના સ્થળ ભારત મંડપમમાં પણ નટરાજની ભવ્ય પ્રતિમા સ્થાપિત કરવામાં આવી છે.આ ઉપરાંત ઘણી જગ્યાએ સુંદર ફુવારા લગાવવામાં આવ્યા છે.દિલ્હીમાં ગ્રીનરી વધારવા માટે મોટી સંખ્યામાં વૃક્ષો અને છોડ પણ વાવવામાં આવ્યા છે.
