2020માં LAC પર ચીન સાથે ઘર્ષણ શરૂ થયું ત્યારથી ભારતીય સેનાએ લદ્દાખમાં પોતાની હાજરી વધારી દીધી છે. આ ચોથું વર્ષ છે જ્યાં ભારતીય સેનાને સતત મોકલવામાં આવી રહ્યા છે. ચીની સેનાનો સામનો કરવા માટે ભારતીય સેનાના પૂર્વી લદ્દાખમાં 70 હજાર સૈનિકો તૈનાત કરવામાં આવ્યા છે. સેનાએ પૂર્વી લદ્દાખમાં રશિયન મૂળની T-72 અને T-90 ટેન્ક અને BMPની 400 થી વધુ અથવા લગભગ ત્રણ બ્રિગેડ તૈનાત કરી છે.

ભારતીય સેના લદ્દાખમાં ચીન સાથેની વાસ્તવિક નિયંત્રણ રેખા LAC પર તેની તૈયારીઓમાં વ્યસ્ત છે. અધિકારીઓનું કહેવું છે કે અહીં ટાંકીના આટલા મોટા કાફલાની યોગ્ય રીતે જાળવણી કરવી એક પડકાર છે. ખાસ કરીને પૂર્વી લદ્દાખના તે વિસ્તારોમાં જે ખૂબ જ ઊંચાઈએ છે. લદાખમાં નીચા તાપમાનને કારણે,અને ઈંધણ પણ જામી જાય છે. આ કારણથી આ વખતે ખાસ ઈંધણનો ઉપયોગ કરવામાં આવી રહ્યો છે.

સૈનિકો માટે ખાસ પ્રકારના કેમ્પ
ભારતીય સેના આ વર્ષે લદ્દાખમાં સૈનિકો, શસ્ત્રો અને ટેન્કોને શિયાળાની કડકડતી ઠંડીથી બચાવવા માટે જબરદસ્ત તૈયારીઓ કરી રહ્યા છે. લદ્દાખમાં તાપમાન -30 ડિગ્રી સુધી પહોંચી જાય છે. સૈનિકો માટે તાપમાન નિયંત્રણ આશ્રયસ્થાનો અને કેમ્પ બનાવવામાં આવ્યા છે. એની અંદર એર બ્લોઅર્સ લગાવવામાં આવ્યા છે.આ ઉપરાંત ખાસ ઈંધણ અને બેટરીનો પણ ઉપયોગ કરવામાં આવ્યો છે કે જેથી ટેન્ક જેવા આર્મી વાહનોને સારી રીતે સમારકામમાં રાખી શકાય. લદ્દાખમાં LACપરનું તાપમાન શૂન્યથી નીચે જાય છે, જેના કારણે શસ્ત્રોને સક્રિય રાખવા મુશ્કેલ બને છે.

ટેન્કની સંભાળ કેવી રીતે રાખવામાં આવે છે?
– ટેન્કની જાળવણી માટે સેના લીડ-એસિડ બેટરીને બદલે લીડ ટીન બેટરીનો ઉપયોગ કરી રહી છે.
– આવા ખાસ ઇંધણ, મલ્ટીગ્રેડ લ્યુબ્રિકન્ટ્સ અને હાઇડ્રોલિક પ્રવાહીનો ઉપયોગ કરવામાં આવી રહ્યો છે
– સૈન્યના તમામ વાહનોનું સમારકામ થઈ શકે તે માટે ખાસ પ્રકારની વ્યવસ્થા કરવામાં આવી રહ્યું છે.
– બખ્તરબંધ વાહનો માટે હીટ શેલ્ટર્સ તૈયાર કરવામાં આવ્યા છે.
– વાહનોની ક્ષમતા ચકાસી શકાય તે માટે સતત ઓપરેશનલ તપાસ હાથ ધરવામાં આવી રહી છે.