અમેરિકાની અબજો ડોલરની નેટવર્થ ધરાવતી કંપની WeWork એ પોતાને નાદાર જાહેર કરી છે અને તેના માટે અરજી કરી છે. વર્ષોથી કટોકટી સામે ઝઝૂમી રહેલી કો-વર્કિંગ સ્પેસ કંપનીએ હવે આ પગલું ભર્યું છે.
કંપનીએ ન્યુ જર્સીની કોર્ટમાં પોતાને નાદાર જાહેર કરતી અરજીમાં જણાવ્યું હતું કે તેની પાસે $10 થી $50 બિલિયનની જવાબદારી છે. ફાઇલિંગ પછી WeWorkને તેના લેણદારો પાસેથી કાનૂની રક્ષણ મળશે અને ધિરાણકર્તાઓ સાથે વાટાઘાટો કરવાનું સરળ બનશે.
WeWork સ્ટાર્ટઅપ્સ અને ફ્રીલાન્સર્સને સસ્તા ભાવે ભાડે જગ્યા પૂરી પાડવા માટે વપરાય છે. અને એક સમય હતો જ્યારે તેને ‘ભવિષ્યમાં ઓફિસો કેવી દેખાશે તેનું ઉદાહરણ વર્ણવવામાં આવતું હતું.
કંપનીએ તેના નિવેદનમાં કહ્યું કે WeWork અને તેની કેટલીક સંસ્થાઓએ US બેન્કરપ્સી કોડના ચેપ્ટર 11 હેઠળ રક્ષણ માટે અરજી કરી છે અને કેનેડામાં અપીલ દાખલ કરવાની યોજના બનાવી છે.
WeWork ચીફ એક્ઝિક્યુટિવ ડેવિડ ટોલીએ જણાવ્યું કે અમારા નાણાકીય હિસ્સેદારોના સમર્થન માટે અત્યંત આભારી છે જેઓ અમારી મૂડીને મજબૂત કરવા અને અમારી પુનઃરચના યોજનાને ટેકો આપવા માટે કામ કરી રહ્યા છે.
