વડાપ્રધાન નરેન્દ્ર મોદી આજે વિધાનસભા ચૂંટણી પ્રચાર માટે રાજસ્થાનમા હતા.જ્યાં ચુરુના તારાનગરમાં એક જાહેરસભાને સંબોધન કર્યુ હતુ.સંબોધતા વડાપ્રધાન મોદીએ કહ્યું,કે “જો તમે ભાજપને ચૂંટો છો,તો અમે રાજસ્થાનમાં ભ્રષ્ટાચારીઓની ટીમને હાંકી કાઢીશું.ભાજપ ઝડપથી વિકાસ કરશે અને રાજસ્થાન જીતશે,વિજય ભવિષ્યની થશે.રાજસ્થાનની આ જીત રાજસ્થાનની માતાઓ,બહેનો, યુવાનો અને ખેડૂતોની હશે.”
રાજસ્થામાં ચુરુના તારાનગરમાં વડાપ્રધાન નરેન્દ્ર મોદીએ વર્લ્ડ કપની ફાઈનલ મેચ પહેલા ક્રિકેટના અંદાજમાં કોંગ્રેસ પર કટાક્ષ કર્યો હતો.કોંગ્રેસ પર આક્ષેપ કરતા વડાપ્રધાન નરેન્દ્ર મોદીએ કહ્યું હતું કે,”ક્રિકેટમાં બેટ્સમેન આવે છે અને પોતાની ટીમ માટે રન બનાવે છે,પરંતુ કોંગ્રેસના લોકોમાં એવી લડાઈ છે કે રન બનાવવાનું ભૂલી જાય છે, તેઓ એકબીજા સામે લડે છે.કોંગ્રેસ સરકારના 5 વર્ષ એકબીજાને આઉટ કરવામાં વિતાવ્યા.જે બાકી છે તે મહિલાઓ અને અન્ય મુદ્દાઓ પર ખોટા નિવેદનો કરીને હિટ વિકેટ મેળવી રહ્યા છે અને બાકીના પૈસા લે છે.તેઓ લાંચ લે છે અને મેચ ફિક્સિંગ કરે છે અને કોઈ કામ કરતા નથી.”
