ગુજરાતમાં આગામી 3 દિવસ સુધી વરસાદની આગાહી કરવામાં આવી છે. 24 નવેમ્બરે વલસાડ, નવસારી, ડાંગ અને દમણ દાદરા નગર હવેલીમાં વરસાદની આગાહી છે. 25 નવેમ્બરે દક્ષિણ ગુજરાત તેમજ દાહોદ, પંચમહાલ, ખેડા, આણંદમાં વરસાદની આગાહી છે. સૌરાષ્ટ્રમાં ભાવનગર અમેરલી, ગીરસોમનાથ અને બોટાદ સહિત કેટલાક જિલ્લામાં વરસાદ રહેશે અને 26 નવેમ્બરે પુરા રાજ્યમાં વરસાદી માહોલ રહેશે.

હવામાન વિભાગ દ્વારા હળવાથી સામાન્ય વરસાદની આગાહી કરવામાં આવી છે. ઈસ્ટર્નલી પવન અને ભેજ રહેતા વરસાદી માહોલ રહેશે. હાલ નલિયા સૌથી ઓછા 16 ડિગ્રી તાપમાન સાથે ઠંડુંગાર શહેર બન્યું છે. ગાંધીનગરમાં પણ 16 ડિગ્રી આસપાસ તાપમાન રહેશે. અમદાવાદમાં ઠંડી સાથે વરસાદી માહોલ રહેશએ. હાલ 3 દિવસ તાપમાન 1 થી 2 ડિગ્રી વધશે. બાદમાં 4 દિવસ બાદ તાપમાનમાં 4 ડિગ્રી જેટલું ઘટશે. 4 દિવસ બાદ તાપમાન ઘટતા ઠંડી વધશે.

ખેડૂતો માટે ચિંતાજનક સમાચાર
ગુજરાતમાં છેલ્લા ચાર વર્ષની સૌથી તીવ્ર માવઠાની આગાહી કરવામાં આવી છે. જે ખેડુતો માટે ચિંતાજનક સમાચાર છે. કારણ કે, આ વરસાદથી પાકને નુકસાન થઈ શકે છે.

માર્કેટોમાં ભાવમાં વધારો થઈ શકે છે
વરસાદથી ખેતપેદાશોને નુકસાન થાય તો તેનાથી માર્કેટમાં ભાવમાં વધારો થઈ શકે છે. આ વરસાદથી શાકભાજી, ફળો અને અનાજના ભાવમાં વધારો થઈ શકે છે.