આજે (21 ડિસેમ્બર) સપ્તાહના ચોથા ટ્રેડિંગ દિવસે, શેરબજારના સેન્સેક્સ અને નિફ્ટી બંનેમાં વધારો નોંધાયો છે. આજે સેન્સેક્સ 358 પોઈન્ટના વધારા સાથે 70,865.10 પર બંધ થયો હતો જ્યારે નિફ્ટી 104 પોઈન્ટના વધારા સાથે 21,255.00 પર બંધ થયો હતો. મિડકેપ શેરોમાં પણ દિવસભર અસ્થિરતા રહી હતી. બજાર બંધ થતાં નિફ્ટી મિડકેપ 50 204 પોઈન્ટના વધારા સાથે 12,764.85 પોઈન્ટ પર બંધ રહ્યો હતો.
ટોપ ગેઇનર્સ અને ટોપ લુઝર્સ શેર
આજે ટોપ ગેઇનર્સમાં હિંદ કોપર, મેટ્રોપોલિસ અને IRCTCએ અનુક્રમે 10.83 ટકા, 7.25 ટકા અને 6.51 ટકાના વધારા સાથે સારો દેખાવ કર્યો હતો. નાલ્કો અને ઓરોબિંદો ફાર્માના શેરમાં પણ અનુક્રમે 5.85 ટકા અને 5.75 ટકાનો વધારો થયો હતો. સિટી યુનિયન બેન્ક, બજાજ ઓટો, બજાજ ફાઇનાન્સ, એક્સિસ બેન્ક અને એચસીએલ ટેક અનુક્રમે 4.21 ટકા, 1.86 ટકા, 1.69 ટકા, 1.34 ટકા અને 1.24 ટકા ઘટ્યા હતા.
શું હતી આંતરરાષ્ટ્રીય બજારની સ્થિતિ?
સમાચાર લખાય છે ત્યાં સુધી, આંતરરાષ્ટ્રીય બજારમાં, અમેરિકન શેરબજારના Nasdaq અને S&P 500 અનુક્રમે 1.13 ટકા અને 1.08 ટકાના ઘટાડા સાથે લાલ નિશાનમાં હતા. એશિયન માર્કેટમાં GIFT નિફ્ટી, હેંગસેંગ, શાંઘાઈ કમ્પોઝિટ, SET કમ્પોઝિટ અને સ્ટ્રેટ્સ ટાઈમ્સ ઉછાળા સાથે બંધ થયા છે. યુરોપિયન શેરબજારમાં આજે અસ્થિર વાતાવરણ રહ્યું હતું. DAX અને CAC અનુક્રમે 0.37 ટકા અને 0.27 ટકા નીચે લાલ રંગમાં હતા.
