1 જાન્યુઆરીથી કેટલાક મહત્વના ફેરફાર થવા જઇ રહ્યા છે. જે જાણવા આપણા માટે ખુબ જરૂરી છે.ત્યારે હવે મોબાઇલ ફોન વપરાશકર્તાઓએ નવા સિમ કાર્ડ માટે બાયોમેટ્રિક વિગતો આપવી પડશે. આ સાથે જ ગૂગલ જીમેલ એકાઉન્ટ અને પર્સનલ જીમેલ એકાઉન્ટ પર નવા નિયમો લાગુ થશે. લોકર કરાર 31 ડિસેમ્બર, 2023 સુધીમાં પૂર્ણ કરવાનો રહેશે. આ સિવાય ઘણા UPI ID બંધ કરવામાં આવી રહ્યા છે.

સિમ કાર્ડ યુપીઆઈ ચુકવણી

મોબાઈલ વપરાશકર્તાઓ માટે એક મહત્વપૂર્ણ સમાચાર છે. કારણ કે 1 જાન્યુઆરી, 2024થી 5 મોટા ફેરફારો થઈ રહ્યા છે. જેની સીધી અસર મોબાઈલ વપરાશકર્તાઓ પર પડશે. આવી સ્થિતિમાં તમારે 31 ડિસેમ્બર પહેલા તમામ કામ પૂર્ણ કરી લેવા પડશે. નહિ તો તમે મોબાઈલ ફોન દ્વારા UPI પેમેન્ટ કરી શકશો નહીં. તેમજ સિમ કાર્ડ બ્લોક થઈ શકે છે. મતલબ કે એક રીતે તમારો ફોન ડબ્બો બની જશે.

UPI પેમેન્ટ કરી શકશે નહીં
જો તમે એક વર્ષ કે તેથી વધુ સમયથી UPI ID નો ઉપયોગ કર્યો નથી. તો તમારું UPI ID 31 ડિસેમ્બર, 2023 પછી બંધ થઈ જશે.જો તમે 1 વર્ષમાં ક્યારેય યુપીઆઇનો ઉપયોગ ના કર્યો હશે તો 1 જાન્યુઆરી 2024 તમે Google Pay, Phone Pay અને Paytm જેવી UPI ચૂકવણીનો ઉપયોગ કરી શકશો નહીં.

નવા સિમ કાર્ડ નિયમો
નવા વર્ષથી UPI સિમ કાર્ડ મેળવવું મુશ્કેલ બનશે. કારણ કે સરકાર નવા નિયમો લાગુ કરી રહી છે. જેના કારણે નવું સિમ લેતી વખતે બાયોમેટ્રિક વિગતો આપવી પડશે. આ બિલ રાજ્યસભા અને લોકસભામાં પસાર થઈ ચૂક્યું છે. આ પછી બિલ કાયદો બની જશે.

જાણો કયા જીમેલ એકાઉન્ટ બંધ કરાશે ?

જે જીમેલ એકાઉન્ટનો ઉપયોગ એક કે બે વર્ષથી કરવામાં આવ્યો નથી. ગૂગલ આવા તમામ જીમેલ એકાઉન્ટ બંધ કરી દેશે. નવો નિયમ વ્યક્તિગત જીમેલ એકાઉન્ટ પર લાગુ થશે. જ્યારે નવો નિયમ શાળાઓ અને બિઝનેસ એકાઉન્ટ પર લાગુ થશે નહીં. આવી સ્થિતિમાં, જો તમે જુના જીમેલ એકાઉન્ટનો ઉપયોગ કર્યો નથી. તો તેને સક્રિય રાખવું જરૂરી છે.

લોકર કરાર

ભારતીય રિઝર્વ બેંકે 31 ડિસેમ્બર 2023 સુધીમાં લોકર કરારનું નવીનીકરણ પૂર્ણ કરવાનો આદેશ આપ્યો છે. તમને જણાવી દઈએ કે લોકરનો નવો નિયમ નવા વર્ષથી લાગુ થવાનો છે. આવી સ્થિતિમાં તમારે 31 ડિસેમ્બર સુધીમાં મંજૂરી આપવી પડશે. અન્યથા તમે લોકરનો ઉપયોગ કરી શકશો નહીં.

નોમિની અપડેટ
ડીમેટ ખાતાધારકે 31મી ડિસેમ્બર સુધીમાં નોમિનીની માહિતી અપડેટ કરવાની રહેશે. અગાઉ તેની સમયમર્યાદા 30 સપ્ટેમ્બર હતી, જેને ત્રણ મહિના વધારીને 31 ડિસેમ્બર કરવામાં આવી છે.