જો તમે સોશિયલ મીડિયાનો ઉપયોગ કરો છો તો તમારે નવા નિયમો વિશે જાણવું જ જોઇએ. ઇન્સ્ટાગ્રામ અને ફેસબુક માટે નવા નિયમો લાવવામાં આવી રહ્યા છે. વ્યક્તિગત ડેટા કાઢી નાખવાની જોગવાઈ છે. ખાસ કરીને જો તમે 3 વર્ષ સુધી તેનો ઉપયોગ ન કરો તો આ કાર્યવાહી થઈ શકે છે.
સરકાર સોશિયલ મીડિયાને લઈને નવા નિયમો લાવતી રહે છે. હવે સરકાર પર્મનન્ટ પર્સનલ એકાઉન્ટ ડિલીટ કરવાનું ફરજિયાત બનાવી શકે છે. ખાસ કરીને એવા યુઝર્સ માટે કે જેઓ લાંબા સમયથી સોશિયલ મીડિયા અને અન્ય ઈન્ટરનેટ પ્લેટફોર્મથી દૂર છે. જો અત્યાર સુધી સામે આવેલી માહિતી પર વિશ્વાસ કરવામાં આવે તો તે યૂઝર્સ વિરુદ્ધ આ કાર્યવાહી થઈ શકે છે જે છેલ્લા ત્રણ વર્ષથી સોશિયલ મીડિયા અને ઈન્ટરનેટ પ્લેટફોર્મથી દૂર છે.
આ પ્રસ્તાવ ડિજિટલ પર્સનલ ડેટા પ્રોટેક્શન (DPDP) એક્ટનો એક ભાગ છે જે આ વર્ષે ઓગસ્ટમાં કાયદો બન્યો હતો. આ યુઝર્સમાં ચર્ચાનો વિષય બની ગયો છે અને તેના પર તાત્કાલિક પગલાં લેવાનું આયોજન કરવામાં આવી રહ્યું છે. સોશિયલ મીડિયાને લઈને બનાવેલો આ નિયમ ઈ-કોમર્સ કંપનીઓ, ઓનલાઈન માર્કેટપ્લેસ, ગેમિંગ કંપનીઓ અને તમામ સોશિયલ મીડિયા કંપનીઓ પર પણ લાગુ થઈ શકે છે. આ સાથે ભારતમાં યુઝર્સની સંખ્યાનો ડેટા પણ જાણી શકાશે.
સોશિયલ મીડિયા પર સરકારની કાર્યવાહી
ભારત સરકારના એક અધિકારીએ જણાવ્યું કે, ‘સરકારને સોશિયલ મીડિયા કંપનીઓ તરફથી પ્રતિસાદ મળ્યો હતો. જો કાયદા અમલીકરણ એજન્સી આ ડેટા એકત્રિત કરવા માંગે છે તો તેઓ ત્રણ વર્ષ પછી એકાઉન્ટ બંધ કરીને આમ કરી શકે છે. ઉપરાંત, વ્યક્તિગત ડેટા મેળવવા માટે પરવાનગી લેવાનો ખ્યાલ પણ નાબૂદ થવો જોઈએ.
શું છે સરકારનો નવો નિયમ
ડ્રાફ્ટમાં જણાવાયુ છે કે, કેટલાક સાર્વજનિક રૂપે ઉપલબ્ધ પર્શનલ હેલ્થકેયર પ્રોફેશનલ, ક્લિનિકલ એસ્ટેબ્લિશમેન્ટ, મેડિકલ એડ્યુકેશન ઈંસ્ટીટ્યૂટ, હેલ્થકેયર પ્રોફેશનલ, આરોગ્ય સેવાઓ અને મેન્ટલ હેલ્થકેયર એસ્ટેબ્લિશમેંટ અને નોન પર્સનલ ડેટાને ઍક્સેસ કરવા સક્ષમ હોવા જોઈએ.આમ કરવાથી જાહેર આરોગ્ય અથવા પુરાવા આધારિત સંશોધન કરવામાં ઘણી મદદ કરશે. સરકારી સંસ્થાઓ અને સત્તાવાળાઓ પણ જાહેર આરોગ્યને ધ્યાનમાં રાખીને આ ડેટાનો ઉપયોગ કરી શકશે. જોકે આ અંગે લોકોના અલગ-અલગ મંતવ્યો હોઈ શકે છે. પરંતુ આ નિયમ સામાજિક સુરક્ષાને ધ્યાનમાં રાખીને લાવવામાં આવ્યો છે.
