આદિત્ય-L1 6 જાન્યુઆરીએ સાંજે 4 વાગ્યે લેગ્રેન્જ પોઈન્ટ પહોંચશે: ઈસરોના વડાએ કહ્યું- તેના તમામ સાત સાધનો સારી રીતે કામ કરી રહ્યા છે.
ઈન્ડિયન સ્પેસ રિસર્ચ ઓર્ગેનાઈઝેશનનું સૌર મિશન આદિત્ય L1 6 જાન્યુઆરીએ સાંજે 4 વાગ્યે સૂર્ય-પૃથ્વી સિસ્ટમમાં લેગ્રેન્જ પોઈન્ટ 1 એટલે કે L1 પર પહોંચશે. સોમનાથે કહ્યું કે આદિત્ય એલ1ના તમામ સાધનોનું પરીક્ષણ કરવામાં આવ્યું છે અને તે સારી રીતે કામ કરી રહ્યા છે.
સોમનાથ આઈઆઈટી બોમ્બેના વાર્ષિક વિજ્ઞાન અને ટેકનોલોજી ઈવેન્ટમાં હાજરી આપી હતી. ત્યાં તેણે કહ્યું કે આદિત્ય L-1 લગભગ તેના ગંતવ્ય પર પહોંચી ગયુ છે અને તે 6 જાન્યુઆરીએ સાંજે 4 વાગ્યે લેગ્રેન્જ પોઈન્ટ પહોંચશે. અમે આદિત્ય L1ના એન્જિનને નિયંત્રિત રીતે બર્ન કરીશુ, જેથી તે હેલો ઓર્બીટમાં પ્રવેશી શકે.
આદિત્ય L1 ને 2 સપ્ટેમ્બરે શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવ્યું હતું. આ મિશન સૂર્યના અભ્યાસ માટે શરૂ કરવામાં આવ્યું છે. L1 પોઈન્ટ જ્યાં તે પહોંચવાનું છે તે પૃથ્વીથી 15 લાખ કિલો મીટર દૂર છે. લેગ્રેન્જ પોઈન્ટ પર પહોંચ્યા બાદ આ એરક્રાફ્ટ ગ્રહણ વગર સૂર્યને જોઈ શકશે.
સોમનાથે કહ્યું કે આદિત્ય એરક્રાફ્ટ લેગ્રેન્જ પોઈન્ટ પર પહોંચ્યા બાદ આ એરક્રાફ્ટ સૂર્યનો અભ્યાસ કરી શકશે જ્યાં સુધી તેની અંદર ઈલેક્ટ્રોનિક્સ સલામત છે.
