અમેરિકામાં ફરી એકવાર હિન્દુ મંદિરને નિશાન બનાવવામાં આવ્યું છે. ખાલિસ્તાન સમર્થકોએ હિંદુ મંદિર પર ખાલિસ્તાન તરફી સૂત્રો લખ્યા છે. ખાલિસ્તાનીઓએ 14 દિવસમાં બીજી વખત હિન્દુ મંદિરને નિશાન બનાવીને ભારત વિરોધી સૂત્રો લખ્યા છે.સ્વામિનારાયણ મંદિર પર હુમલાના બે અઠવાડિયા પછી હેવર્ડમાં વિજય શેરાવલી મંદિરને નિશાન બનાવવામાં આવ્યું છે.અગાઉ પણ આ જ વિસ્તારમાં આવેલા શિવ દુર્ગા મંદિરમાં પણ ચોરી થઈ ચૂકી છે.
આ ઘટના વિશે માહિતી આપતા હિન્દુ-અમેરિકન ફાઉન્ડેશને કહ્યું કે અમે ફરી એકવાર તમામ મંદિરના પ્રમુખોને સલામતીના માપદંડો અપનાવવાની સલાહ આપી છે. સાથે જ મંદિરોમાં સુરક્ષા કેમેરા અને એલાર્મ સિસ્ટમ લગાવવાનું પણ જણાવ્યુ હતુ. વધુમાં હિંદુ અમેરિકન ફાઉન્ડેશને ટ્વિટર પર લખ્યું કે અમે ફરી એકવાર મંદિરના તમામ નેતાઓને હિંદુઅમેરિકન ટેમ્પલ સેફ્ટી ગાઈડ https://hinduamerican.org/wp-content/uploads/2022/01/HAF-Temple-Safety ડાઉનલોડ કરવા પ્રોત્સાહિત કરીએ છીએ.
અગાઉ ડિસેમ્બરમાં, શંકાસ્પદ ખાલિસ્તાન સમર્થકોએ કેલિફોર્નિયાના નેવાર્કમાં સ્વામિનારાયણ મંદિરને કથિત રીતે નુકસાન પહોંચાડ્યું હતું, પોલીસે જણાવ્યું હતું. હિંદુ મંદિરની બહારની દીવાલને ભારત વિરોધી સૂત્રોચ્ચાર લખી બગાડવામાં આવી હતી. નેવાર્ક પોલીસે તોડફોડની તપાસ શરૂ કરી હતી.
અગાઉ, યુએસ સ્ટેટ ડિપાર્ટમેન્ટે કેલિફોર્નિયામાં શ્રી સ્વામિનારાયણ મંદિરમાં તોડફોડની નિંદા કરી હતી. વિભાગે નેવાર્ક પોલીસ વિભાગની કાર્યવાહીની પ્રશંસા કરી અને જવાબદારો સામે ઝડપી કાર્યવાહી કરવા હાકલ કરી.
યુએસ સ્ટેટ ડિપાર્ટમેન્ટે તેના સત્તાવાર હેન્ડલ પરથી ટ્વિટર પર શેર કરેલી પોસ્ટમાં જણાવ્યું હતું કે, “અમે કેલિફોર્નિયામાં શ્રી સ્વામિનારાયણ મંદિર હિંદુ મંદિરની તોડફોડની નિંદા કરીએ છીએ.આ સુનિશ્ચિત કરવા માટે નેવાર્ક પોલિસ વિભાગના પ્રયાસનું સ્વાગત કરીએ છીએ. અમે જવાબદાર લોકોને સજા આપવામાં આવશે તેવી ખાતરી આપી હતી.
