તમિલનાડુના ધર્મપુરી જિલ્લામાં ફ્લાયઓવર પર એક ભયાનક માર્ગ અકસ્માત સર્જાયો હતો. આ અકસ્માતમાં 4 લોકોના મોત થયા છે. અકસ્માત એટલો ખતરનાક હતો કે એક પછી એક અનેક વાહનો અથડાયા અને આગમાં ભડકો થયો, આઠ લોકો ઘાયલ થયા અને ચારના મોત થયા. સાથે જ આ ઘટના સીસીટીવીમાં કેદ થઈ ગઈ છે.
પોલીસના જણાવ્યા અનુસાર, સીસીટીવી ફૂટેજમાં પાછળથી એક ઝડપભેર ટ્રક આવતી દેખાઈ રહી છે, જે આગળ વધી રહેલા ડમ્પર અને અન્ય વાહનોને જોરથી અથડાવે છે.જેના કારણે ડમ્પરે કાબુ ગુમાવી દીધો અને ફ્લાયઓવર પરથી નીચે પડી અને ડમ્પર નીચે પડે તે પહેલા એક વાહનને ટક્કર મારે છે અને કાર સાથે અથડાવે છે જે પછી ટ્રકમાં આગ લાગી જાય છે.
જણાવવામાં આવી રહ્યું છે કે ટ્રક ઓવરલોડ હતી. ફ્લાયઓવર પરથી પડી ગયેલા ડમ્પરને ટક્કર મારતા ટ્રકમાં પણ આગ લાગી હતી. દુર્ઘટનાની માહિતી મળતાં જ ફાયર ફાઈટર ઘટનાસ્થળે પહોંચી ગયા હતા અને કોઈક રીતે આગ પર કાબૂ મેળવ્યો હતો. દુર્ઘટના પર શોક વ્યક્ત કરતા, ધર્મપુરીના DMK સાંસદ સેંથિલ કુમારે કહ્યું કે તેઓ લાંબા સમયથી ધર્મપુરીના થોપપુર ઘાટ વિભાગ પર મંજૂર એલિવેટેડ હાઈવેના વહેલા નિર્માણની માંગ કરી રહ્યા છે.
