મદ્રાસ હાઈકોર્ટની મદુરાઈ શાખાએ આજે કોર્ટમાં મોટો નિર્ણય સંભળાવ્યો છે. કોર્ટે તેના ચુકાદામાં એક આદેશ કરતા કહ્યુ કે ધ્વજવૃક્ષની બહાર પલાની મુરુગન મંદિરમાં બિન-હિંદુઓને પ્રવેશની મંજૂરી નથી. તમને જણાવી દઈએ કે, ડિંડીગુલ જિલ્લાના પલાનીના રહેવાસી સેંથિલ કુમારે હાઈકોર્ટની મદુરાઈ બ્રાન્ચમાં અરજી દાખલ કરી હતી. તે અરજીમાં કહેવામાં આવ્યું છે કે પ્રખ્યાત પલાની મુરુગન મંદિરમાં દરરોજ હજારો લોકો આવે છે. આવી સ્થિતિમાં હિંદુ ધર્મ સિવાયના ધર્મના લોકો અથવા ભગવાનમાં ન માનતા લોકો મંદિરમાં પ્રવેશ કરે છે, જેથી ભગવાનમાં આસ્થા રાખનારને દુખ થાય છે.
ભગવાનમાં આસ્થા રાખનાર લોકોનું માનવુ છે કે મંદિર કંઇ પિકનીક સ્પોટ નથી. તેથી બિન-હિન્દુ લોકોને મંદિરમાં પ્રવેશ ન આપવો જોઈએ. તેમણે માંગ કરી હતી કે મંદિરના ઘણા ભાગોમાં બેનર લગાવવામાં આવે જેમાં કહેવામાં આવ્યું હતું કે અન્ય ધર્મના લોકોને મંદિરમાં પ્રવેશવાની મંજૂરી નથી. જજ શ્રીમતી એ આ અરજી પર સુનાવણી કરી અને આજે ચુકાદો સંભળાવ્યો. તે મુજબ કોર્ટે આદેશ આપ્યો કે બિન-હિંદુઓ, અન્ય ધર્મના લોકો અને ભગવાનમાં વિશ્વાસ ન રાખતા લોકોને ભગવાનના દર્શન માટે ધ્વજવૃક્ષની બહાર મંદિરમાં પ્રવેશ પર પ્રતિબંધ છે. કોર્ટે એ પણ આદેશ આપ્યો છે કે મંદિરના વિવિધ ભાગોમાં બિન-હિન્દુઓને મંદિરમાં પ્રવેશતા અટકાવતા બેનરો ફરીથી લગાવવામાં આવે.
મંદિરના પ્રવેશદ્વાર પર એક રજિસ્ટર રાખવાની આવશ્યક્તા છે. તેમણે કહ્યું કે જો અન્ય ધર્મના લોકો મંદિરમાં પ્રવેશવા માંગતા હોય તો તેઓ હાજરી પત્રકમાં ખાતરી આપીને મંદિરમાં પ્રવેશ કરી શકે છે કે તેઓ ભગવાનમાં શ્રદ્ધાને કારણે મંદિરમાં પ્રવેશ કરવા માંગે છે. તમને જણાવી દઈએ કે, તમિલનાડુના પલાની દંડયુથાપાની સ્વામી મંદિર જેને અરુપદ ગૃહોના ત્રીજા ઘર તરીકે પણ ઓળખવામાં આવે છે. અહીં દરરોજ હજારો ભક્તો દર્શન માટે આવે છે. અને તહેવારો અને ખાસ પ્રસંગોએ ભક્તોની સંખ્યા લાખોમાં પહોંચી જાય છે. હિંદુ રિલિજિયસ એન્ડોમેન્ટ્સ વિભાગના નિયમો અનુસાર, બિન-હિન્દુઓને મંદિરમાં પ્રવેશવાની મંજૂરી નથી. હિન્દુ ધાર્મિક ચેરિટી વિભાગ હેઠળના તમામ મંદિરોમાં આ કાયદાનું પાલન કરવામાં આવે છે.
આ મંદિર એક ટેકરી પર સ્થિત છે. અને આ નિયમને કારણે, ઘણા વર્ષોથી ટેકરીની તળેટીમાં ઇલેક્ટ્રિક ટ્રેક્શન ટ્રેન સ્ટેશન પર એક બેનર લગાવાયુ હતું. જેમાં સ્પષ્ટપણે જાહેર કરવામાં આવ્યું હતું કે મંદિર પ્રશાસન દ્વારા ફક્ત હિન્દુઓને જ પ્રવેશ આપવામાં આવશે. જો કે હાલમાં જ કેટલીક ઘટનાઓને કારણે આ બેનર હટાવવામાં આવ્યું હતું. પરંતુ આજે કોર્ટે ફરી એકવાર મંદિર વિસ્તારમાં આ બેનર લગાવવાની મંજૂરી આપી છે.
