હાલમાં અનંત અંબાણી અને રાધિકા મર્ચન્ટના પ્રિવેડીંગ દેશભરમાં ચર્ચામાં છે. ગુજરાતના જામનગરમાં દેશ અને દુનિયાની તમામ મોટી હસ્તીઓ પ્રિવેડીંગમાં જોડાઇ છે. પ્રિવેડિંગનો પ્રારંભ 1 માર્ચથી શરૂ થયો છે. મુકેશ અંબાણીના આમંત્રણ પર અનેક મોટા ઉદ્યોગપતિઓ, ક્રિકેટરો અને કલાકારો જામનગર પહોંચ્યા છે.જેમાં મેટા માલિક માર્ક ઝુકરબર્ગ, બિલ ગેટ્સ સહિતની મોટી હસ્તીઓ જામનગર ખાતે છે. અનંત અંબાણીના પ્રીવેડીંગમાં મહેમાનોના સ્વાગતમાં ભારતીય પરંપરાની ઝલક જોવા મળી હતી. મુકેશ અંબાણીએ ખૂબ જ ભાવભીનું મહેમાનોનું સ્વાગત કર્યું હતુ.
મુકેશ અંબાણીએ મહેમાનોનું સ્વાગત કરતા કહ્યું કે’અમારા આદરણીય મિત્રો અને પરિવારજનો ઉપસ્થિત તમામને નમસ્કાર અને શુભ સાંજ…ભારતીય પરંપરામાં અમે મહેમાનોને આદર પૂર્વક અતિથી કહીએ છીએ. વધુમાં મુકેશ અંબાણીએ કહ્યુ કે અતિથિ દેવો ભવો એટલે કે ‘મહેમાનો ભગવાનનું સ્વરૂપ છે.
મુકેશ અંબાણી કહ્યુ કે ‘જ્યારે મેં તમને નમસ્તે કહ્યું, ત્યારે તેનો અર્થ એ હતો કે મારી અંદરના ભગવાન તમારી અંદર રહેલા ભગવાનને સ્વીકારીને ખુશ છે. તમે બધાએ આ લગ્નનું વાતાવરણ મંગલમય બનાવ્યું છે. આ માટે તમારો ખૂબ ખૂબ આભાર!
ઉલ્લેખનીય છે કે મુકેશ અંબાણીનું પરિવારનો એકમાત્ર ઉદ્દેશ્ય ભારતની સમૃદ્ધિ વધારવાનો અને તમામની સુખાકારીમાં યોગદાન આપવાનો છે.અંબાણીએ કહ્યું, ‘સંપૂર્ણ વિનમ્રતા સાથે, હું કહું છું કે જામનગર તમને જીવંત, આશાવાદી અને આત્મવિશ્વાસથી ભરેલા નવા ભારતના ઉદયની ઝલક આપશે.
