અયોધ્યામાં રામનવમીના અવસરને ખુબ જ ભવ્ય રીતે ઉજવવાની શ્રી રામ જન્મભૂમિ ટ્ર્સ્ટની તૈયારી છે. ત્યારે વાત આવે બાલક રામના શણગારની તો તે ચોક્કસથી અદભુત હશે. કારણકે રામનવમીના દિવસે ભગવાન રામને શામાન્ય ટિલક કે રાજ તિલક નહિ પરંતુ સૂર્ય ટિલક કરવામાં આવશે.
રામલલાને સૂર્ય તિલક કરવા માટે વૈજ્ઞાનિકોએ ટ્રાયલ હાથ ધરી હતી. સૂર્ય તિલક માટેનો ટ્રાયલ સફળ રહ્યો છે.હવે નક્કી કરવામાં આવ્યું છે કે રામ જન્મોત્સવના દિવસે 17મી એપ્રિલે બપોરે બરાબર 12 વાગ્યે રામ લલાને સૂર્ય અભિષેક કરવામાં આવશે. આ સંદર્ભે મંદિર નિર્માણના પ્રભારી ગોપાલ રાવે જણાવ્યું કે થોડા દિવસો પહેલા જ વિજ્ઞાનીઓએ ગર્ભગૃહની ઉપર ત્રીજા માળે સૂર્ય તિલક માટે સાધનસામગ્રી લગાવી હતી.
ઉલ્લેખનીય છે કે રવિવારે મધ્યાહન આરતી પછી જ્યારે પ્રથમ અજમાયશ હાથ ધરવામાં આવી હતી. ત્યારે કિરણો રામ લલાના હોઠ પર પડ્યા હતા. ત્યારબાદ જ્યારે લેન્સ ફરીથી સેટ કરવામાં આવ્યો અને સોમવારે ટ્રાયલ હાથ ધરવામાં આવી હતી.ત્યારે કિરણો કપાળ પર પડ્યા હતા. જેના કારણે હવે રામ નવમી પર સૂર્ય તિલકનું આયોજન નિશ્ચિત માનવામાં આવી રહ્યુ છે.
ખુશીની વાત છે કે આ વખતે રામનવમી પર સૂર્યના કિરણો રામ મંદિરમાં હાજર ભગવાન શ્રી રામલલાનો અભિષેક કરશે. મંદિરના ત્રીજા માળે સ્થાપિત ઓટોમિકેનિકલ સિસ્ટમ દ્વારા કિરણો 17 એપ્રિલે બપોરે 12 વાગ્યે ગર્ભગૃહમાં પહોંચશે.અહીં કિરણો અરીસામાંથી પ્રતિબિંબિત થશે. અને 75 મીમીના ગોળ તિલકના રૂપમાં રામલલાના કપાળ પર 4 મિનિટ સુધી સીધા જ જોવા મળશે. દેશની બે વૈજ્ઞાનિક સંસ્થાઓની મહેનતથી આ સૂર્ય તિલક સાકાર થઈ રહ્યો છે.
